Bandla Ganesh: పవన్ – రమేష్ వర్మ కాంబినేషన్లో సినిమా.. క్లారిటీ ఇచ్చిన బండ్ల..!

పవర్ స్టార్ పవన్ కళ్యాణ్ రీ ఎంట్రీ ఇస్తూ ‘వకీల్ సాబ్’ సినిమాని మొదలుపెట్టిన టైంలోనే మరో మూడు ప్రాజెక్టులను కూడా అనౌన్స్ చేసిన సంగతి తెలిసిందే. క్రిష్ డైరెక్షన్లో ఓ సినిమా, ‘సితార ఎంటర్టైన్మెంట్స్’ లో ఓ సినిమా, అలాగే హరీష్ శంకర్ డైరెక్షన్లో ఓ సినిమా చేయబోతున్నట్లు ప్రకటించాడు. అవి పూర్తయిన తర్వాత ‘ఎస్.ఆర్.టి ఎంటర్టైన్మెంట్స్’ బ్యానర్ లో సురేందర్ రెడ్డి డైరెక్షన్లో ఓ సినిమా అలాగే బండ్ల గణేష్ నిర్మాణంలో ఓ సినిమా చేయడానికి కూడా పవన్ గ్రీన్ సిగ్నల్ ఇచ్చాడు.

అయితే కొద్ది రోజులుగా బండ్ల గణేష్ నిర్మాణంలో పవన్ చేయబోయే సినిమాని ‘ఖిలాడి’ ఫేమ్ రమేష్ వర్మ డైరెక్ట్ చేయబోతున్నట్టు ప్రచారం జరిగింది. ఈ విషయంపై తాజాగా బండ్ల గణేష్ క్లారిటీ ఇచ్చాడు. ఆయన మాట్లాడుతూ.. ” పవన్ కళ్యాణ్ గారు నాతో సినిమా చేయడానికి ఓకే చెప్పిన మాట వాస్తవం.కానీ రమేష్ వర్మ డైరెక్షన్లో చేస్తున్నట్లు వస్తున్న వార్తల్లో నిజం లేదు. పవన్ కళ్యాణ్ గారు ఒక్కసారి సినిమా చేస్తాను అని మాట ఇస్తే ఆయనే పిలిచి మరీ గుర్తు చేస్తారు.

అప్పటి వరకు మనం ధీమాగా కూర్చోవచ్చు. ఎటువంటి టెన్షన్ పడాల్సిన పనిలేదు. ఇప్పుడు నేను చేస్తున్న పని కూడా అదే..! నేను కథల కోసం, దర్శకుల కోసం టెన్షన్ పడటం లేదు. మా బాస్ తో సినిమా చేయాలని ఆసక్తి మాత్రం ఎక్కువగానే ఉంది” అంటూ బండ్ల గణేష్ చెప్పుకొచ్చాడు. గతంలో వీరిద్దరి కాంబినేషన్లో ‘తీన్ మార్’ ‘గబ్బర్ సింగ్’ చిత్రాలు వచ్చాయి.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!