సాధారణంగా స్టార్ హీరోలను అభిమానులు అభిమానిస్తారనే సంగతి తెలిసిందే. అయితే కొంతమంది మాత్రం ఫేవరెట్ హీరోలపై ఊహించని స్థాయిలో అభిమానాన్ని ప్రదర్శించి ఇతరులను సైతం అవాక్కయ్యేలా చేస్తారు. బండ్ల గణేష్ పవన్ కళ్యాణ్ కు వీరాభిమాని అనే విషయం తెలిసిందే. చాలా సందర్భాల్లో, ఆడియో ఫంక్షన్లలో బండ్ల గణేష్ పవన్ పై అభిమానాన్ని చాటుకున్నారు. ఈశ్వరా పరమేశ్వరా పవనేశ్వరా అంటూ పవన్ గురించి బండ్ల గణేష్ స్టేజ్ పై చెప్పిన మాటలను పవన్ ఫ్యాన్స్ అంత తేలికగా మరిచిపోలేరు.
అతి త్వరలో బండ్ల గణేష్ నిర్మాతగా పవన్ కళ్యాణ్ హీరోగా ఒక సినిమా తెరకెక్కనుండగా ఈ సినిమా షూటింగ్ ఎప్పుడు మొదలవుతుందో చూడాల్సి ఉంది. అయితే తాజాగా బండ్ల గణేష్ పవన్ పై అద్భుతమైన కవిత రాశారు. నా ఊపిరి పవన్ కు దాసోహం అంటూ బండ్ల గణేష్ రాసిన కవిత నెటిజన్లను, పవన్ ఫ్యాన్స్ ను ఎంతగానో ఆకట్టుకుంటోంది. పవన్ తన ట్విట్టర్ ద్వారా కవితను షేర్ చేశారు.
“నా మాట నా బాట నీ కాడకే కదా దేవరా.. నా ఊపిరి నీకు దాసోహం.. నా తనువు నీకు దేవళం.. నా దేవరా..” అని బండ్ల గణేష్ కవిత రాశారు. పవన్ కళ్యాణ్ తో పలు సందర్భాల్లో దిగిన ఫోటోలను బండ్ల గణేష్ ట్విట్టర్ ద్వారా షేర్ చేశారు. బండ్ల గణేష్ రాసిన కవిత పవన్ ఫ్యాన్స్ థీమ్ గా మారిపోగా బండ్ల గణేష్ పెట్టిన పోస్ట్ నెట్టింట తెగ వైరల్ అవుతుండటం గమనార్హం. పవన్ పై అభిమానాన్ని చాటుకునే క్రమంలో బండ్ల గణేష్ కవిగా మారిపోయారు.
నా మాట
నా బాట
నీ కాడకే కదా నా దేవరా..
నా ఊపిరి నీకు దాసోహం..
నా తనువు నీకు దేవళం .. నా దేవరా 🙏 @PawanKalyan pic.twitter.com/w6JMdm2BwJ— BANDLA GANESH. (@ganeshbandla) July 10, 2021
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
