ఎన్టీఆర్ సినిమాపై సంచలన కామెంట్స్ చేసిన బండ్ల గణేష్

బండ్ల గణేష్.. జూనియర్ ఆర్టిస్టుగా చిత్ర పరిశ్రమలో అడుగుపెట్టారు. హాస్యనటుడిగా ఎదిగి.. హీరో బృందంలో ఒకరిగా కనిపించి ఆకట్టుకున్నారు. ఎవరూ ఉహించని విధంగా నిర్మాతగా మారారు. తీన్ మార్, గబ్బర్ సింగ్, ఇద్దరు అమ్మాయిలతో వంటి భారీ బడ్జెట్ సినిమాలు తీశారు. ఈయన నిర్మించిన 8  చిత్రాల్లో గబ్బర్ సింగ్ సూపర్ హిట్ సాధించింది. అయితే  2013 లో శ్రీను వైట్ల దర్శకత్వంలో బండ్ల గణేష్ 55 కోట్లతో నిర్మించిన బాద్ షా పరాజయం పాలయింది. అప్పట్లో ఎన్టీఆర్, గణేష్ కి మధ్య గొడవలు కూడా జరిగినట్లు సమాచారం.

నాలుగేళ్ళ క్రితం సినిమా గురించి  బండ్ల గణేష్ ఇప్పుడు మాట్లాడారు. బాద్ షా వల్ల తాను బాగా నష్టపోయానని రీసెంట్ గా ఇచ్చిన ఇంటర్వ్యూ లో స్వయంగా చెప్పారు. ఆయన నిర్మించిన వాటిలో మరికొన్ని అపజయాలు కూడా ఉన్నాయి. వాటి గురించి ప్రస్తావించకుండా ఎన్టీఆర్ సినిమా గురించే మాట్లాడం ఇపుడు టాలీవుడ్ హాట్ టాపిక్ గా మారింది. అంతేకాదు ఎన్టీఆర్ తో 2015 లో టెంపర్ మూవీని గణేష్ తీశారు. అది మంచి లాభాలను తెచ్చిపెట్టింది. మరి ఆ చిత్రం గురించి చెప్పకుండా బాద్ షా మూవీనే టార్గెట్ చేయడం పై అతని ఉద్దేశం ఏమిటని తారక్ అభిమానులు ఆగ్రహం వ్యక్తం చేస్తున్నారు.

Also, do SUBSCRIBE to our YouTube channel to get latest Tollywood updates.