Bandla Ganesh, Pawan Kalyan : ఆ వార్తల్లో నిజం లేదంటున్న బండ్ల గణేష్!

పవర్ స్టార్ పవన్ కళ్యాణ్ కి ఉన్న ఫ్యాన్ ఫాలోయింగ్ గురించి అందరికీ తెలిసిందే. సాధారణంగా ప్రజల్లోనే కాకుండా.. సెలబ్రిటీల్లో కూడా పవన్ కళ్యాణ్ కి అభిమానులు ఉన్నారు. అలాంటి వారిలో బండ్ల గణేష్ పేరు ముందు ఉంటుంది. పవన్ కళ్యాణ్ ని దేవుడిలా ఆరాధిస్తుంటారు బండ్ల గణేష్. ఆయనతో ‘తీన్ మార్’, ‘గబ్బర్ సింగ్’ వంటి సినిమాలను నిర్మించారు బండ్ల గణేష్. ఆ తరువాత మళ్లీ అవకాశం రాలేదు. మధ్యలో వేరే హీరోలతో కొన్ని భారీ సినిమాలను నిర్మించిన బండ్ల గణేష్..

కొన్నాళ్లుగా సైలెంట్ అయిపోయారు. ప్రస్తుతం ఆయన చేతిలో నిర్మాతగా ఎలాంటి ప్రాజెక్ట్ లేదు. అయితే ఈ మధ్య మళ్లీ సినిమాల్లోకి రావడానికి, ప్రొడక్షన్ చేయడానికి రెడీ అయ్యారు. పవన్ కళ్యాణ్ తనతో సినిమా చేస్తానని హామీ ఇచ్చారని చెప్పుకొచ్చారు బండ్ల గణేష్. కానీ ఇప్పటివరకు ఆ ప్రాజెక్ట్ గురించి ఊసే లేదు. పవన్ కోసం ఎదురుచూసి చూసి విసిగిపోయిన బండ్ల గణేష్ ఓ ట్వీట్ చేశారు. ‘వరాలు ఇచ్చే గుడికి వెళ్దాం. దాంతో పాటు ప్రసాదం కూడా తిందాం.

లేకపోతే టైం వేస్ట్. no time to live. life is most important for our family’ అంటూ రాసుకొచ్చారు. ఇది పవన్ కళ్యాణ్ ను ఉద్దేశిస్తూ బండ్ల గణేష్ కావాలనే ట్వీట్ చేశారంటూ సోషల్ మీడియాలో ప్రచారం జరుగుతోంది. దీంతో ఆయన మరో ట్వీట్ ద్వారా క్లారిటీ ఇచ్చారు. పవన్ కళ్యాణ్ ను ద్వేషించే ప్రసక్తే లేదని.. ఆయన పట్ల ప్రేమ, గౌరవం ఎప్పటికీ తగ్గవని చెప్పుకొచ్చారు. ఇక పవన్ కళ్యాణ్ సినిమాల విషయానికొస్తే..

ప్రస్తుతం ఆయన ‘హరిహర వీరమల్లు’ అనే సినిమాలో నటిస్తున్నారు. అలానే చేతిలో మరో రెండు, మూడు సినిమాలున్నాయి. వాటితో పాటు రీసెంట్ గా సుజీత్ దర్శకత్వంలో మరో సినిమా ఒప్పుకున్నారు.

వరాలు ఇచ్చే గుడికి వెళ్దాం , దాంతోపాటు ప్రసాదం కూడా తిందాం , లేకపోతే టైం వేస్ట్. no time to live life is most important for our family ❤️

— BANDLA GANESH. (@ganeshbandla) December 4, 2022

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!