బండ్ల గణేష్.. ‘ఈయన సినిమాల్లో చేసే కామెడీ కంటే.. రియల్ లైఫ్ లో చేసే కామెడీనే అద్భుతంగా ఉంటుందని’ .. మొన్నామధ్య నాగ బాబు ఓ సందర్భంలో చెప్పిన సంగతి అందరికీ గుర్తుండే ఉంటుంది. 2018 లో తెలంగాణ ముందస్తు ఎన్నికల్లో బండ్ల గణేష్ చేసిన హడావిడి అంతా ఇంతా కాదు. అప్పుడు సోషల్ మీడియాలో నిండా ఈయనే ఉండేవాడు. ‘7 ఓ క్లాక్ బ్లేడ్’ కామెడి ఎంత ఫేమస్ అయ్యిందో కూడా ప్రత్యేకంగా చెప్పనక్కర్లేదు. ఇక రాజకీయాలు తనకి సెట్ అవ్వడం లేదని.. వాటికి గుడ్ బై చెబుతున్నట్టు ప్రకటించి.. తిరిగి సినిమాల్లోకి వచ్చేసాడు బండ్లన్న.
సంక్రాంతికి విడుదలైన ‘సరిలేరు నీకెవ్వరు’ చిత్రంలో బండ్లన్న కూడా సందడి చేసాడు. ఇక ఇప్పుడు మరోసారి సినిమాలను నిర్మించాలని ప్రయత్నస్తున్నాడని సమాచారం. ఇదిలా ఉంటే.. ఇటీవల తన సోషల్ మీడియాలో పవన్ కళ్యాణ్ ని ఉద్దేశించి చేసిన ఓ ట్వీట్ ఇప్పుడు తెగ వైరల్ అవుతోంది. ఆ ట్వీట్ లో పవన్ కళ్యాణ్ ఫోటో పై ‘నేను భయంతో రాలేదు.. బాధ్యతతో వచ్చాను’ అని రాసి ఉంది. దానికి ఇది నిజమే అంటూ .. బండ్ల గణేష్ కామెంట్ చేసాడు. ఇప్పుడు పవన్ కళ్యాణ్ కూడా తిరిగి సినిమాలు చేస్తుండడంతో .. ఆయన్ని బండ్ల టార్గెట్ చేస్తున్నట్టు తెలుస్తుంది. ఇటీవల ఓ ఇంటర్వ్యూలో కూడా ‘మా బాస్ తో సినిమా చేస్తే.. అది ‘గబ్బర్ సింగ్’ ను మించి ఉండేలా చేస్తానని చెప్పాడు కూడా..! మరి బండ్లన్న ప్రయత్నాలు ఎంత వరకూ వర్కౌట్ అవుతుందో చూడాలి.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
Home