ఆ మాస్ డైరెక్టర్ తో బెల్లంబాబు సినిమా?

ఎట్టకేలకు ఈ ఏడాది ‘రాక్షసుడు’ చిత్రంతో డీసెంట్ హిట్టందుకున్నాడు బెల్లంకొండ సాయి శ్రీనివాస్. తమిళంలో సూపర్ హిట్టైన ‘రాట్ససన్’ చిత్రానికి ఇది రీమేక్ కావడం విశేషం. ‘ఫిజికల్ అప్పీరెన్స్’ విషయంలోనూ డ్యాన్సుల విషయంలోనూ బెల్లంబాబుకి తిరుగులేదు. కానీ నటన విషయంలో మాత్రం ఎక్స్ ప్రెషన్స్ సరిగ్గా పండించలేడనే కంప్లైంట్ మొదటినుండి బెల్లంబాబు పై ఉండేది. కానీ ‘రాక్షసుడు’ చిత్రం ఆ మచ్చని చెరిపేసింది. ‘రాక్షసుడు’ లో మంచి నటనతో ప్రేక్షకుల్ని ఆకట్టుకున్నాడు బెల్లంకొండ. దీంతో ఇప్పుడు అర్జెంట్ గా ఓ మాస్ సినిమా చేయాలని భావిస్తున్నాడట.

తాజాగా ‘గద్దలకొండ గణేష్’ (‘వాల్మీకి’) చిత్రంతో సూపర్ హిట్టందుకున్న హరీష్ శంకర్ తో ఓ సినిమా చేయాలని బెల్లంకొండ శ్రీనివాస్ ప్రయత్నిస్తున్నాడట. ఇప్పటికే తన తండ్రి బెల్లంకొండ సురేష్ సాయంతో కథా చర్చలు పూర్తిచేసినట్టు సమాచారం. క్లాస్ హీరోనైనా మాస్ గా చూపించి ప్రేక్షకులతో విజిల్స్ వేయించగలనని ‘గద్దలకొండ గణేష్’ తో ప్రూవ్ చేశాడు హరీష్. ఇక హరీష్ ఓకే అంటే… బెల్లంబాబు దశ తిరిగినట్టే అని చెప్పాలి.

గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
బందోబస్త్ సినిమా రివ్యూ కోసం ఇక్కడ క్లిక్ చెయ్యండి