భరత్ అనే నేను సినిమా పవన్ కోసమే రాసారంట.!

పవర్ స్టార్ పవన్ కళ్యాణ్ అంటే సామాన్యులకే కాదు… డైరెక్టర్లకు ఇష్టమే. అందుకే అతని మెప్పు అందుకోవాలని, అతనితో సినిమా తీయాలని కథలు రెడీ చేస్తుంటారు. వినిపిస్తుంటారు. అయినా పవన్ నచ్చిన వాటిని ఎంచుకొని, నచ్చని వాటిని వదిలేస్తుంటారు. ఆ కథలు ఇతర హీరోలు చేసి సూపర్ హిట్ అయిన సందర్భాలు అనేకం ఉన్నాయి. మహేష్ బాబు నటించిన అతడు.. పోకిరి సినిమాలు మొదట పవన్ కళ్యాణ్ కు వినిపించినవే. అతని కోసం రాసుకున్నవే. అవి బ్లాక్ బస్టర్ హిట్ సాధించాయి.

ప్రస్తుతం కొరటాల శివ దర్శకత్వంలో మహేష్ చేస్తున్న భరత్ అనే నేను కథ కూడా పవన్ కళ్యాణ్ కోసం రాసుకున్నదే అని ఫిలిం నగర్ వాసులు చెప్పారు. యువ దర్శకుడు శ్రీహరి నాను ఈ కథని పవన్ కళ్యాణ్ కోసం రాసుకున్నారు. మాటమీద నిలబడే పవన్ కళ్యాణ్ సీఎం అయితే ఎలా ఉంటుందో అనే ఆలోచనతో రెడీ చేశారు.  శ్రీహరి నాను ఈ స్టోరీ ని పవన్ కి కూడా వినిపించారు. కథ బాగుందని పవన్ ప్రశంసించినా.. నటించనని తేల్చి చెప్పారంట. ఈ కథ విలువ తెలుసుకున్న కొరటాల కోటి రూపాయలు ఇచ్చి కొనుక్కున్నారు. కొన్ని మార్పులు చేసి మహేష్ బాబుతో తెరకెక్కిస్తున్నారని  సమాచారం. ఈ విషయం తెలిసిన  సినీ విశ్లేషకులు అతడు.. పోకిరి సినిమాల మాదిరిగానే ఈ సినిమా కూడా మహేష్ హిట్ జాబితాలో చేరుతుందని భావిస్తున్నారు.