టాలీవుడ్ స్టార్ హీరోలలో ఒకరైన పవన్ కళ్యాణ్ నటిస్తున్న భీమ్లా నాయక్ సినిమాపై భారీగా అంచనాలు నెలకొన్నాయి. మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ కు రీమేక్ గా ఈ సినిమా తెరకెక్కింది. ఈ సినిమా నుంచి రిలీజైన వీడియోలు బాక్సాఫీస్ వద్ద కొత్త రికార్డులను క్రియేట్ చేస్తున్నాయి. రానా ఈ సినిమాలో కీలక పాత్రలో నటిస్తుండగా టాప్ టెక్నీషియన్స్ ఈ సినిమా కోసం పని చేస్తున్నారు.
త్రివిక్రమ్ ఈ సినిమా కథనంలో మార్పులు చేయడంతో పాటు డైలాగ్స్ కూడా అందిస్తున్నారు. సాగర్ చంద్ర ఈ సినిమాకు దర్శకుడు కాగా త్రివిక్రమ్ శ్రీనివాస్ క్రియేటివ్ గా సపోర్ట్ అందిస్తుండటంతో ఈ సినిమాపై భారీగా అంచనాలు ఏర్పడ్డాయి. అయితే ఒక సెంటిమెంట్ మాత్రం పవన్ ఫ్యాన్స్ ను టెన్షన్ పెడుతోంది. పవన్ హీరోగా త్రివిక్రమ్ రైటర్ గా గతంలో తీన్ మార్ సినిమా తెరక్కింది. బాలీవుడ్ లో బ్లాక్ బస్టర్ హిట్టైన లవ్ ఆజ్ కల్ కు ఈ సినిమా రీమేక్ కావడం గమనార్హం.
తీన్ మార్ సినిమా బాక్సాఫీస్ వద్ద ఫ్లాప్ గా నిలిచింది. అయితే త్రివిక్రమ్ రైటర్ గా పవన్ హీరోగా భీమ్లా నాయక్ తెరకెక్కుతున్న నేపథ్యంలో ఈ సినిమాతో పవన్ త్రివిక్రమ్ సెంటిమెంట్ ను బ్రేక్ చేస్తారో లేదో చూడాల్సి ఉంది. భీమ్లా నాయక్ రిలీజైతే మాత్రమే ఈ సినిమా గురించి వ్యక్తమవుతున్న ప్రశ్నలకు సమాధానాలు దొరికే అవకాశం ఉంటుంది. సితార ఎంటర్టైన్మెంట్స్ బ్యానర్ పై భారీ బడ్జెట్ తో ఈ సినిమా తెరకెక్కుతోంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
