Bheemla Nayak: భీమ్లా నాయక్ కవర్ సాంగ్ కోసమే అంత ఖర్చా?

పవన్ నటిస్తున్న భీమ్లా నాయక్ సినిమా మలయాళంలో హిట్టైన అయ్యప్పనుమ్ కోషియమ్ రీమేక్ అయినప్పటికీ ఈ సినిమాపై ప్రేక్షకుల్లో భారీ స్థాయిలో అంచనాలు నెలకొన్న సంగతి తెలిసిందే. తాజాగా భీమ్లా నాయక్ సినిమా నుంచి టైటిల్ సాంగ్ రిలీజైంది. నిన్న విడుదలైన సాంగ్ సినిమాలో ఉన్నా చిత్రీకరణ వేరేగా ఉండనుంది. నిన్న విడుదలైన సాంగ్ కేవలం కవర్ సాంగ్ కావడం గమనార్హం. అయితే ఈ సాంగ్ కోసం నిర్మాతలు ఏకంగా 40 లక్షలు ఖర్చు చేసినట్లు తెలుస్తోంది.

థమన్ ఈ పాట కోసం ఫోక్ సింగర్ ను ఎంపిక చేయడం, సింగర్స్ ను, యూనిట్ మొత్తాన్ని తరలించి షూట్ చేయడంతో భారీ మొత్తం ఖర్చు అయినట్టు సమాచారం. భీమ్లా నాయక్ ఆడియో హక్కులు రికార్డు స్థాయిలో ఏకంగా 5 కోట్ల రూపాయలకు అమ్ముడైన సంగతి తెలిసిందే. అయితే నిర్మాతలు సినిమాపై అంచనాలు బాగా పెంచాలని కవర్ సాంగ్స్ కోసం కూడా భారీ మొత్తాన్ని ఖర్చు చేస్తుండటం గమనార్హం. గతేడాది సంక్రాంతి కానుకగా విడుదలైన అల వైకుంఠపురములో సినిమాకు కోట్లు ఖర్చు చేసి కవర్ సాంగ్స్ చేయగా ఆ సినిమా బాక్సాఫీస్ వద్ద ఇండస్ట్రీ హిట్ గా నిలిచింది.

కవర్ సాంగ్స్ కు ఖర్చు చేసే మొత్తం సినిమా బడ్జెట్ కు అదనమే అయినా సినిమాపై బజ్ పెంచాలంటే ప్రస్తుత పరిస్థితుల్లో ఎక్కువ మొత్తం ఖర్చు చేయక తప్పదు. వచ్చే ఏడాది జనవరి 12వ తేదీన ఈ సినిమా రిలీజ్ కానుంది. ఆ తేదీకే భీమ్లా నాయక్ ఖచ్చితంగా రిలీజయ్యే అవకాశాలు అయితే ఉన్నాయని సమాచారం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!