ఈ ఏడాది ఫిబ్రవరి 25వ తేదీన శివరాత్రి కానుకగా భీమ్లా నాయక్ సినిమా రిలీజ్ కానున్న సంగతి తెలిసిందే. ఏపీలో నైట్ కర్ఫ్యూ ఎత్తేయడంతో పాటు 100 శాతం ఆక్యుపెన్సీకి అనుమతులు రావడంతో భీమ్లా నాయక్ సినిమా కలెక్షన్ల విషయంలో రికార్డులు క్రియేట్ చేయడం ఖాయమని కామెంట్లు వినిపిస్తున్నాయి. యూఎస్ లో కూడా ఈ సినిమాకు అడ్వాన్స్ బుకింగ్స్ జోరుగా జరుగుతున్నాయి. భీమ్లా నాయక్ కు అన్ని ప్రాంతాలలో అనుకూల పరిస్థితులు ఏర్పడ్డాయి.
హిందీలో కూడా ఈ సినిమా రికార్డు స్థాయిలో కలెక్షన్లు సాధించే అవకాశాలు అయితే ఉన్నాయని సమాచారం అందుతోంది. ప్రస్తుతం థియేటర్లలో ప్రదర్శితమవుతున్న సినిమాలలో డీజే టిల్లు మాత్రమే చెప్పుకోదగ్గ స్థాయిలో కలెక్షన్లను సాధిస్తోంది. అయితే భీమ్లా నాయక్ రిలీజయ్యే సమయానికి ఏపీలో టికెట్ రేట్లు మాత్రం పెరగకపోవచ్చని సమాచారం అందుతోంది. భీమ్లా నాయక్ 200 కోట్ల రూపాయల షేర్ కలెక్షన్లను సాధించాలని ఫ్యాన్స్ కోరుకుంటున్నారు. సినిమాకు హిట్ టాక్ వచ్చి హిందీలో కూడా భారీ మొత్తంలో కలెక్షన్లు వస్తే ఈ సినిమా భారీ స్థాయిలో కలెక్షన్లు సాధిస్తుందనడంలో సందేహం అవసరం లేదు.
భీమ్లా నాయక్ సినిమాలో రానా నటించడం బిజినెస్ పరంగా ఈ సినిమాకు ప్లస్ అవుతోంది. బాహుబలి సిరీస్ తో రానా బాలీవుడ్ ఇండస్ట్రీలో భారీస్థాయిలో క్రేజ్ ను సంపాదించుకున్నారు. పవన్ రానా కాంబోలో వచ్చే సన్నివేశాలు ప్రేక్షకులకు గూస్ బంప్స్ వచ్చేలా ఉంటాయని తెలుస్తోంది. 150 కోట్ల రూపాయల బడ్జెట్ తో భీమ్లా నాయక్ తెరకెక్కగా తెలుగు రాష్ట్రాల్లో అంచనాలకు మించి ఈ సినిమాకు బిజినెస్ జరిగింది. అతి త్వరలో ఈ సినిమా ట్రైలర్ రిలీజ్ కానుంది.
భీమ్లా నాయక్ ప్రీ రిలీజ్ ఈవెంట్ కు మంత్రి కేటీఆర్ హాజరు కానున్నారని సమాచారం. ఈ నెల 21వ తేదీన భీమ్లా నాయక్ ప్రీ రిలీజ్ ఈవెంట్ జరగనుంది. భీమ్లా నాయక్ ఈవెంట్ లో పవన్ కళ్యాణ్ స్పీచ్ కోసం అభిమానులు ఆసక్తిగా ఎదుచూస్తున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home