Bheemla Nayak Movie: ఏపీ టికెట్ రేట్ల వల్ల పవన్ నిర్మాతలకు అంత నష్టమా?

పవర్ స్టార్ పవన్ కళ్యాణ్, రానా హీరోలుగా భీమ్లా నాయక్ సినిమా తెరకెక్కుతున్న సంగతి తెలిసిందే. 2022 సంవత్సరం జనవరి 12వ తేదీన రిలీజ్ కానున్న ఈ సినిమా రిలీజ్ డేట్ విషయంలో మార్పు ఉండదని మేకర్స్ స్పష్టం చేశారు. ప్రస్తుతం ఈ సినిమా చివరి షెడ్యూల్ షూటింగ్ జరుగుతోందని తెలుస్తోంది. భీమ్లా నాయక్ సినిమాకు 95 కోట్ల రూపాయల ప్రీ రిలీజ్ బిజినెస్ జరిగిందని సమాచారం. ఏపీలో టికెట్ రేట్ల తగ్గింపు వల్ల ఆ రాష్ట్రం నుంచి భీమ్లా నాయక్ నిర్మాతలకు పది కోట్ల రూపాయల వరకు ఆదాయం తగ్గిందని తెలుస్తోంది.

ఈ సినిమా పోస్ట్ ప్రొడక్షన్ పనులు కూడా వేగంగా జరుగుతున్నాయని సమాచారం. సాగర్ కె.చంద్ర ఈ సినిమాతో స్టార్ డైరెక్టర్ స్టేటస్ ను సొంతం చేసుకుంటానని భావిస్తున్నారు. ఇప్పటికే విడుదలైన సాంగ్స్, టీజర్ సినిమాపై అంచనాలు పెంచగా సంక్రాంతి రేసులో ఆర్ఆర్ఆర్, రాధే శ్యామ్ సినిమాలకు పోటీగా ఈ సినిమా రిలీజ్ కానుంది. దర్శకుడు రాజమౌళి భీమ్లా నాయక్ రిలీజ్ డేట్ ను మార్చాలని పవన్ ను కోరే ప్రయత్నం చేస్తున్నట్టు తెలుస్తోంది.

పవన్ మాత్రం భీమ్లా నాయక్ సినిమా రిలీజ్ విషయంలో వెనక్కు తగ్గకూడదని భావిస్తున్నట్టు బోగట్టా. త్రివిక్రమ్ మాటలు, స్క్రీన్ ప్లే అందిస్తుండటంతో ఈ సినిమాపై అంచనాలు అంతకంతకూ పెరుగుతున్నాయి. భీమ్లా నాయక్ సినిమా నాన్ థియేట్రికల్ హక్కుల ద్వారా నిర్మాతలకు భారీగా లాభాలు వచ్చే ఛాన్స్ ఉందని సమాచారం. ఈ సినిమా నాన్ థియేట్రికల్ హక్కులకు భారీస్థాయిలో డిమాండ్ నెలకొంది.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!