Pawan Kalyan: భీమ్లా నాయక్ మూవీ అలా ఉండబోతుందా?

మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ సినిమాకు రీమేక్ గా భీమ్లా నాయక్ సినిమా తెరకెక్కుతున్న సంగతి తెలిసిందే. వచ్చే నెల 25వ తేదీన ఈ సినిమా రిలీజ్ కానుంది. త్వరలో ఈ సినిమా థియేట్రికల్ ట్రైలర్ రిలీజ్ కానుండగా ఇప్పటికే విడుదలైన భీమ్లా నాయక్ పాటలు ప్రేక్షకులను ఎంతగానో ఆకట్టుకున్నాయనే సంగతి తెలిసిందే. ఈ సినిమా నిడివి రెండున్నర గంటలు అని గతంలో వార్తలు వచ్చాయి.

కానీ మేకర్స్ ఈ సినిమా నిడివిని మరింత తగ్గించారని సమాచారం. ఈ సినిమా నిడివి కేవలం 2 గంటల 10 నిమిషాలు అని తెలుస్తోంది. అయ్యప్పనుమ్ కోషియమ్ నిడివి దాదాపుగా మూడు గంటలు కాగా ఆ సినిమా నిడివితో పోలిస్తే ఈ సినిమా నిడివి 45 నిమిషాలు తక్కువ కావడం గమనార్హం. నిజానికి ఈ సినిమా స్క్రిప్ట్ లో తెలుగు నేటివిటీకి తగిన విధంగా ఎన్నో కీలక మార్పులు చేశారు. సినిమాలో రానా పాత్రతో పోలిస్తే పవన్ పాత్రకే ఎక్కువ ప్రాధాన్యత ఇచ్చారని సమాచారం.

పవన్ కళ్యాణ్ గతంలో పోలీస్ ఆఫీసర్ రోల్స్ లో నటించిన సినిమాలలో ఎక్కువ సినిమాలు ఫ్యాన్స్ కు నచ్చడంతో ఈ సినిమా కూడా సక్సెస్ సాధిస్తుందని ప్రేక్షకులు నమ్మకంతో ఉన్నారు. శివరాత్రి కానుకగా రిలీజవుతున్న ఈ మూవీ కొరకు పవన్ అభిమానులు ఆసక్తిగా ఎదురుచూస్తున్నారు. ఈ సినిమాలో పవన్ కు జోడీగా నిత్యా మీనన్ నటిస్తుండగా రానాకు జోడీగా సంయుక్త మీనన్ నటిస్తున్నారు. 120 కోట్ల రూపాయలకు పైగా భారీ బడ్జెట్ తో ఈ సినిమా తెరకెక్కుతుండటం గమనార్హం.

థమన్ బ్యాక్ గ్రౌండ్ మ్యూజిక్ ఈ సినిమాకు హైలెట్ గా నిలిచే ఛాన్స్ ఉందని కామెంట్లు వినిపిస్తున్నాయి. నాగవంశీ నిర్మాతగా సితార ఎంటర్టైన్మెంట్స్ బ్యానర్ పై ఈ సినిమా తెరకెక్కింది. సాగర్ కె చంద్ర ఈ సినిమాకు దర్శకత్వం వహించగా ఈ దర్శకునికి ఆశించిన స్థాయిలో గుర్తింపు దక్కడం లేదనే కామెంట్లు వినిపిస్తున్నాయి.

బంగార్రాజు సినిమా రివ్యూ & రేటింగ్!

Most Recommended Video

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!