Pawan Kalyan: భీమ్లా నాయక్ నిర్మాతల ఆలోచన ఇదేనా?

November 22, 2021 / 03:43 PM ISTByFilmy Focus

Join Us

Pawan Kalyan: భీమ్లా నాయక్ నిర్మాతల ఆలోచన ఇదేనా?

పవర్ స్టార్ పవన్ కళ్యాణ్ హీరోగా సితార ఎంటర్టైన్మెంట్స్ బ్యానర్ పై భారీ బడ్జెట్ తో తెరకెక్కిన భీమ్లా నాయక్ 2022 సంవత్సరం జనవరి 12వ తేదీన రిలీజ్ కానుంది. ఆర్ఆర్ఆర్ విడుదలైన ఐదు రోజులకు భీమ్లా నాయక్ రిలీజ్ కానుండగా ఈ సినిమా రిలీజ్ డేట్ విషయంలో ఎలాంటి మార్పు ఉండబోదని మేకర్స్ ఇప్పటికే కన్ఫామ్ చేశారు. అయితే ఈ సినిమా శాటిలైట్ రైట్స్ కు సంబంధించిన డీల్ ఇంకా క్లోజ్ కాలేదని తెలుస్తోంది.

భీమ్లా నాయక్ సినిమాకు రికార్డు స్థాయిలో ప్రీ రిలీజ్ బిజినెస్ జరిగింది. ఇప్పటికే ఈ సినిమా నుంచి రిలీజైన పాటలు సినిమాపై అంచనాలను పెంచాయి. మేకర్స్ ఈ సినిమా శాటిలైట్ డిజిటల్ హక్కులను 70 కోట్ల రూపాయలకు విక్రయించాలని భావించగా ఆ స్థాయిలో ఆఫర్ రాలేదని సమాచారం. ఏపీలో రిలీజ్ విషయంలో భీమ్లా నాయక్ కు ఇబ్బందులు ఎదురయ్యే అవకాశాలు ఉండటం వల్ల కూడా శాటిలైట్ రైట్స్ డీల్ ఆలస్యమైందని తెలుస్తోంది.

అయితే ప్రస్తుతం భీమ్లా నాయక్ రిలీజ్ కు ఎలాంటి సమస్యలు లేకపోవడంతో త్వరలో ఈ సినిమా శాటిలైట్ రైట్స్ కు సంబంధించి క్లారిటీ వచ్చే అవకాశం ఉంది. ఈ సినిమా శాటిలైట్ హక్కులు ఎంతకు అమ్ముడవుతాయో చూడాల్సి ఉంది. పవన్ కళ్యాణ్ ఈ సినిమాతో పాటు హరిహర వీరమల్లు సినిమాలో నటిస్తున్నారు. భారీ బడ్జెట్ తో పవన్ కళ్యాణ్ సినిమాలు తెరకెక్కుతున్న సంగతి తెలిసిందే. పవన్ కు జోడీగా నిత్యామీనన్ ఈ సినిమాలో నటిస్తుండగా రానాకు జోడీగా ఈ సినిమాలో సంయుక్త మీనన్ నటిస్తున్నారు.