Pawan Kalyan: హిందీలో కూడా భీమ్లా నాయక్

February 11, 2022 / 04:22 PM ISTByFilmy Focus

Join Us

పవర్ స్టార్ పవన్ కళ్యాణ్ – రానా దగ్గుబాటి కలిసి నటిస్తున్న మొట్టమొదటి చిత్రం భీమ్లా నాయక్ సినిమా మొత్తానికి ఈ నెలలో ప్రేక్షకుల ముందుకు వచ్చే అవకాశం ఉన్నట్లు తెలుస్తోంది. ఈ నెల మూడవ వారంలోనే సినిమా టిక్కెట్ల రేట్లపై ఒక కొత్త జీవో వచ్చే అవకాశం ఉన్నట్లుగా మెగాస్టార్ చిరంజీవి ఇటీవల ప్రకటన చేసిన విషయం తెలిసిందే. ఇక భీమ్లా నాయక్ సినిమా కూడా ఫిబ్రవరి 25 వ తారీకున విడుదల కాబోతున్నట్లు టాక్.

Click Here To Watch

మరికొన్ని రోజుల్లో అఫీషియల్ గా ప్రకటన వచ్చే అవకాశం ఉంది. ఇక ఇటీవల నిర్వహించిన ఇంటర్వ్యూలో నిర్మాత నాగ వంశీ మరొక ఆసక్తికరమైన విషయాన్ని తెలియజేశాడు. భీమ్లా నాయక్ సినిమాను హిందీలో కూడా విడుదల చేయబోతున్నట్లు గా అధికారికంగా వివరణ ఇచ్చేశారు. ఇప్పటికే పుష్ప సినిమాతో అల్లు అర్జున్ బాలీవుడ్ బాక్సాఫీస్ వద్ద భారీ స్థాయిలో విజయాన్ని అందుకున్న విషయం తెలిసిందే. రవితేజ కూడా ఖిలాడి సినిమాతో తన అదృష్టాన్ని పరీక్షించుకుంటున్నాడు.

తప్పకుండా తెలుగు సినిమాలు హిందీ బాక్సాఫీస్ మార్కెట్ వద్ద ఎంతో కొంత వసూళ్లను అందుకుంటాయి అని మరికొందరు ఆలోచిస్తున్నారు. ఇక నిర్మాత నాగ వంశీ కూడా పవన్ కళ్యాణ్ సినిమా ని మొదటి సారి హిందీ లో లో భారీ స్థాయిలో విడుదల చేస్తున్నట్లు చెప్పారు. సినిమాలో రానా దగ్గుబాటి కూడా ఒక పవర్ ఫుల్ పాత్రలో కనిపిస్తున్నాడు కాబట్టి అతని ఇమేజ్ కూడా ఈ సినిమాకు హిందీలో ప్లస్ అయ్యే అవకాశం ఉంది.

ఎందుకంటే ఇది వరకే రానా హిందీ చిత్రాల్లో నటించాడు కూడా. అంతే కాకుండా బాహుబలి సినిమాలో అతనికి నార్త్ ఇండస్ట్రీ లో మంచి క్రేజ్ ఏర్పడింది. ఇక పవన్ కళ్యాణ్ నటించిన తెలుగు సినిమాలు చాలా వరకు హిందీలో డబ్ చేసి యూట్యూబ్ లో రిలీజ్ చేయగా భారీ స్థాయిలో వ్యూవ్స్ అందుకున్నాయి. ఇక ఇప్పుడు ఏకంగా భీమ్లా నాయక్ సినిమా నార్త్ ఇండస్ట్రీలో వెండితెరపై విడుదల చేయబోతున్నారు. మరి సినిమా అంచనాలకు తగ్గట్టుగా ఎంత వరకు సక్సెస్ అవుతుందో చూడాలి.