స్టార్ హీరో బాలకృష్ణ, బోయపాటి శ్రీను కాంబినేషన్ లో అఖండ సినిమా తెరకెక్కుతున్న సంగతి తెలిసిందే. మే నెల 28వ తేదీన ఈ సినిమా రిలీజ్ కావాల్సి ఉండగా కరోనా సెకండ్ వేవ్ వల్ల ఈ సినిమా రిలీజ్ డేట్ మారనుంది. అయితే రిలీజ్ డేట్ మారినా కనీసం ట్రైలర్ అయినా రిలీజ్ అవుతుందని బాలకృష్ణ ఫ్యాన్స్ భావించారు. అయితే అఖండ మేకర్స్ ఆ విషయంలో సైతం బాలయ్య ఫ్యాన్స్ ను నిరుత్సాహపరుస్తున్నారు.
స్టార్ ప్రొడ్యూసర్ మిర్యాల రవీందర్ రెడ్డి ఈ సినిమాకు నిర్మాతగా వ్యవహరిస్తున్నారు. తాజాగా మిర్యాల రవీందర్ రెడ్డి మాట్లాడుతూ మే నెల 28వ తేదీన అఖండ ట్రైలర్ రిలీజవుతుందని వస్తున్న వార్తల విషయంలో నిజం లేదని పేర్కొన్నారు. ప్రస్తుతం సినిమాను రిలీజ్ చేసే పరిస్థితులు లేవని ఇలాంటి సమయంలో ఎవరినీ ఇబ్బంది పెట్టలేమని రవీందర్ రెడ్ది తెలిపారు. అఖండ మూవీ క్లైమాక్స్, రెండు పాటల షూటింగ్ మాత్రం మిగిలి ఉందని రవీందర్ రెడ్డి చెప్పుకొచ్చారు.
మళ్లీ సాధారణ పరిస్థితులు ఎప్పుడు ఏర్పడతాయో చెప్పలేమని కరోనా కేసులు తగ్గిన తరువాత షూటింగ్ ను మొదలుపెడతామని రవీందర్ రెడ్డి అన్నారు. సినిమా రిలీజ్ డేట్ ఫిక్స్ అయిన తర్వాతే ట్రైలర్ రిలీజ్ డేట్ ను ప్రకటిస్తామని నిర్మాత వెల్లడించారు. ఈ సినిమాలో బాలయ్యకు జోడీగా ప్రగ్యా జైస్వాల్ నటిస్తున్న సంగతి తెలిసిందే. శ్రీకాంత్ ఈ సినిమాలో విలన్ రోల్ లో నటిస్తుండగా పూర్ణ కీలక పాత్రలో నటిస్తున్నారు.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
