బిగ్బాస్ ఇంట్లో అందరూ చూస్తున్నదే కాకుండా… ఇంటర్నల్‌గా ఏదైనా జరుగుతోందా? అంటే అవుననే అంటున్నారు నెటిజన్లు. చూపులు చదవడం తెలిసినవారికి ఇది బాగా అర్థమవుతోంది. అభిజీత్‌ – మోనాల్‌ – అఖిల్‌ మధ్య ఏదో ట్రయాంగిల్‌ స్టోరీ రన్‌ అవుతోందని గత కొద్ది రోజులుగా బిగ్బాస్ ప్రోమోలతో, వీడియోలతో టీజ్‌ చేస్తున్నాడు. ఈ రోజు అలాంటిదే మరో ప్రోమో బయటకు వచ్చింది. ‘ది వాటర్‌ స్టోరీ’ పేరుతో ఈ రోజు రిలీజ్‌ చేసిన ప్రోమో ఇప్పుడు ఇంట్రెస్టింగ్‌గా మారింది. నిజానికి ఇది నిన్న రాత్రి ఎపిసోడ్ తర్వాతనే చూపించాడు.
అభిజీత్‌ – మోనాల్‌ కలసి కూర్చొని దోశలు తింటూ ఇంట్లో పరిస్థితులు గురించి మాట్లాడుతున్నారు. అదే సమయంలో అఖిల్‌ దూరంగా కూర్చొని తింటూ వాళ్ల మాటలు వింటున్నాడు. ఈలోగా మోనాల్‌కు పొలామారింది. అక్కడే అసలు డ్రామా మొదలైంది. నీళ్ల కోసం అభిజీత్‌ లేచి వంట గదిలోకి వెళ్లాడు. ఈలోగా అఖిల్‌ లేచి ఎదురుగా టేబుల్‌ మీద ఉన్న బాటిల్‌ను తీసుకొని ప్యూరిఫయర్‌ దగ్గర నీళ్లు పట్టాడు. ఈలోగా అభిజీత్‌ నీళ్ల కోసం వచ్చాడు. ‘ఇస్తున్నావా’ అని అభిజీత్‌ అడిగినా… అఖిల్‌ సమాధానం చెప్పలేదు. విసరుగా వెళ్లిపోయి మోనాల్‌కు బాటిల్‌ ఇచ్చేశాడు. ఆ తర్వాత కూడా అభిజీత్‌ వైపు చూడకుండా తన పని తాను చేసుకున్నాడు. ఇదంతా చూస్తుంటే మొదట అనుకున్నదే మళ్లీ అనాల్సి వస్తోంది. సమ్‌థింగ్‌ ఈజ్‌ హ్యాపనింగ్‌ ఈ ముగ్గురి మధ్య.
ఇదంతా ఓవైపు అయితే… అఖిల్‌కు మరింత కోపం తెప్పించడానికే అన్నట్లు సాయంత్రం బిగ్బాస్ డ్యాన్స్‌ టాస్క్‌ ఇచ్చాడు. సోహైల్‌, మోనాల్‌ కలసి హాటెస్ట్‌ ‘వానా వానా వెల్లువాయే..’ సాంగ్‌కి… ఇంకా హాట్‌ స్టెప్పులు వేశారు. ఈ డ్యాన్స్‌ జరుగుతున్నంతసేపు అఖిల్‌ ముఖంలో ఏదో కోపం కనిపిస్తూనే ఉంది. అది అతనికి డ్యాన్స్‌ చేసే అవకాశం రాలేదనా… లేక మోనాల్‌తో సోహైల్‌ డ్యాన్స్‌ చేయడం ఇష్టం లేకనా అనేది తెలియడం లేదు. ఒకటి రెండు రోజుల్లో అఖిల్‌ బరస్ట్‌అవుట్‌ అయ్యేలా కనిపిస్తున్నాడు. ఆఖరులో కళ్యాణి, దివితో అమ్మ రాజశేఖర్‌ వేసిన మాస్‌ స్టెప్పులు అయితే సూపరో సూపర్‌. పర్‌ఫార్మెన్స్‌ అయిపోయాక జీవిత రాజశేఖర్‌ స్టయిల్‌లో లాస్య ‘ఏం చేస్తిరి ఏం చేస్తిరి’ అంటే… రాజశేఖర్‌ మాస్టర్‌ ‘ఇస్త్రీ’ చేశా అంటూ పంచ్‌ వేశాడు. చూద్దాం ఈ రోజు రాత్రి ఇంకా ఏమేం చూస్తామో. అఖిల్‌ ఏం చేస్తాడో. దానికి మోనాల్‌ – అభిజీత్‌ రియాక్షన్‌ ఏంటో.
బిగ్బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
