‘అర్జున్ రెడ్డి’ సినిమాలో నర్స్ గా చేసి బాగా ఫేమస్ అయ్యింది లహరి షెరి. ఆ తర్వాత ఈమె చాలా సినిమాల్లో నటించింది కానీ ‘అర్జున్ రెడ్డి’ రేంజ్లో ఈమెకు గుర్తింపు తెచ్చిన సినిమాలు లేవు. సుమారు 11 సినిమాల్లో ఈమె నటించింది. అన్ని సినిమాల్లోనూ ఈమె చేసినవి తక్కువ నిడివి గల పాత్రలే. అయితే ఎవ్వరూ ఊహించని విధంగా ఈమె ‘బిగ్ బాస్ 5’ లోకి ఎంట్రీ ఇచ్చింది. 3వ కంటెస్టెంట్ గా ఎంట్రీ ఇచ్చిన లహరి షెరి 2 వారాల్లోనే బోలెడంత క్రేజ్ ను సంపాదించుకుంది.
మనసులో ఏమీ పెట్టుకోకుండా ఏ విషయాన్ని అయినా కుండ బద్దలుకొట్టినట్టు మాట్లాడుతుంది. గేమ్ ఆడేటప్పుడు కూడా ఈమె అస్సలు తగ్గడం లేదు. దీంతో కుర్ర కారు కూడా ఈమె బోల్డ్ నెస్ కు ఫిదా అయిపోయారనే చెప్పాలి. ఇదిలా ఉండగా.. తాజాగా ఈమె ‘మాస్ట్రో’ సినిమాలో దర్శనమిచ్చింది. ఇందులో కూడా ఆమె చేసింది చిన్న పాత్రే. అయినప్పటికీ ఈమె ‘బిగ్ బాస్5’ వల్ల మరింత పాపులర్ అవ్వడంతో ప్రేక్షకులు ఈ మూవీలో లహరిని చూసి సర్ప్రైజ్ అవుతున్నారు.
సోషల్ మీడియాలో లహరి షెరి పాత్రకి సంబంధించిన స్క్రీన్ షాట్లను షేర్ చేస్తూ తెగ హల్ చల్ చేస్తున్నారు నెటిజన్లు. ఇండియా టుడే రిపోర్టర్ గా లహరి.. ‘మాస్ట్రో’ మూవీలో కనిపించింది. ఇక నితిన్ హీరోగా నటించిన ఈ చిత్రంలో నభా నటేష్ హీరోయిన్ గా నటించగా తమన్నా విలన్ పాత్రని పోషించింది. డిస్నీ ప్లస్ హాట్ స్టార్ ఓటిటిలో ఈ మూవీ ఈరోజు(సెప్టెంబర్ 17న) రిలీజ్ అయ్యింది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home
