బాలీవుడ్‌ స్టార్‌ హీరో కోరిక నెరవేరుతుందా? జక్కన్న ఓకే అంటారా?

ఇప్పుడు టాలీవుడ్‌లో రాజమౌళితో (Rajamouli) చేయాలని కోరుకోని వారు ఎవరు ఉంటారు చెప్పండి. ‘ఇదేం ప్రశ్న.. ఆయనతో కలసి పని చేయడానికి దేశంలో ప్రతి నటుడు వెయిట్‌ చేస్తున్నారు’ అని అంటారా? అవును మీరు చెప్పింది కరెక్టే. బాలీవుడ్‌ స్టార్‌ హీరోలు సైతం రాజమౌళి దర్శకత్వంలో పని చేయాలని అనుకుంటున్నారు. అలా ఓ బాలీవుడ్ హీరో రాజమౌళితో కలసి పని చేయాలని ఉందన్న మనసులో మాటను బయట పెట్టాడు. దీంతో రాజమౌళి వెంటనే ఆయనతో సినిమా చేయాలని అభిమానులు కోరుతున్నారు.

బాలీవుడ్‌లో పవర్‌ హౌస్‌గా పిలుచుకునే స్టార్‌ హీరో అంటే ఇప్పటి తరంలో రణ్‌వీర్‌ సింగ్‌ (Ranveer Singh) అని చెప్పాలి. సినిమాల్లోను, బయట కూడా ఆయన చాలా యాక్టివ్‌గా ఉంటారు. అలాంటి నటుడు రాజమౌళి సినిమాలో పని చేస్తే ఎలా ఉంటుంది చెప్పండి. అదిరిపోతుంది కదా. ఇప్పుడు ఆయన కూడా అదే కోరుకుంటున్నారు. రాజమౌళి సినిమాలో నటించాలని ఉందని, తన సినీజీవితం ఒక్కసారైనా జక్కన్నతో పని చేస్తానని ప్రతిన బూనాడు రణ్‌వీర్‌ సింగ్‌.

రణవీర్ సింగ్ బాలీవుడ్‌లో భిన్నమైన సినిమాలు చేస్తూ మెప్పిస్తున్నాడు. సంజయ్ లీలా భన్సాలి లాంటి క్రియేటివ్ దర్శకుడితో మూడు సినిమాలు చేశాడు. అలాంటి హీరో రాజమౌళి సినిమాలో చేస్తే ఇంకా అదిరిపోతుంది అని అంటున్నారు అభిమానులు. రాజమౌళి సినిమాలో హీరోకి ఉండాల్సిన లక్షణాలు రణవీర్‌కి బాగా ఉన్నాయి అని చెప్పొచ్చు. అయితే రాజమౌళి ఇప్పటికిప్పుడు రణ్‌వీర్‌ హీరోగా సినిమా చేసే అవకాశం లేదు. కానీ వేరే ఆలోచన చేయొచ్చు.

రణ్‌వీర్‌ సింగ్‌ హీరోనే కానీ.. సరైన పాత్ర పడింది అంటే.. విలన్‌గా నటించడానికి కూడా ఓకే చెబుతాడు. బాలీవుడ్‌లో ‘పద్మావత్‌’ సినిమాలో ఇలాంటి పాత్రే చేశాడు మరి. ఈ లెక్కన రాజమౌళి తన తర్వాతి సినిమాలు ఆల్‌రెడీ ఫిక్ష్ అయిపోయి ఉంటే అందులో ఓ కీలక పాత్ర కోసం రణ్‌వీర్‌ను సంప్రదించొచ్చు అని ఔత్సాహిక నెటిజన్లు సూచిస్తున్నారు. చూద్దాం మరి రాజమౌళి ఆలోచనలు ఎలా ఉన్నాయో?