Boney Kapoor: ఆ వార్తల్లో నిజం లేదంటున్న బోనీకపూర్!

ప్రదీప్ రంగనాథన్ దర్శకత్వంలో తెరకెక్కిన సినిమా ‘లవ్ టుడే’. ఇందులో హీరో కూడా అతడే. యోగిబాబు, సత్యరాజ్, రాధిక లాంటి తారలు కీలకపాత్రలు పోషించిన ఈ సినిమా భారీ విజయాన్ని అందుకున్న సంగతి తెలిసిందే. తెలుగులో కూడా ఈ సినిమా బ్లాక్ బస్టర్ అయింది. ఐదు కోట్లతో తెరకెక్కిన ఈ సినిమా దాదాపు వంద కోట్లు సాధించింది. ఇదిలా ఉండగా.. ఇప్పుడు ఈ సినిమాకి సంబంధించి సోషల్ మీడియాలో కొన్ని ఊహాగానాలు వినిపించాయి.

ఈ సినిమాను నిర్మాత బోనీకపూర్ హిందీలో రీమేక్ చేయబోతున్నట్లు వార్తలొచ్చాయి. ఇప్పటికే ఈ సినిమాకి సంబంధించిన రీమేక్ హక్కులను బోనీకపూర్ తీసుకున్నట్లు ప్రచారం జరిగింది. తాజాగా ఈ విషయంపై బోనీకపూర్ స్పందించారు. ‘లవ్ టుడే’ సినిమాకి సంబంధించిన తాను ఎలాంటి రీమేక్ రైట్స్ తీసుకోలేదని చెప్పారు. సోషల్ మీడియాలో జరుగుతున్న ప్రచారంలో నిజం లేదన్నారు. దీంతో ‘లవ్ టుడే’ హిందీ రీమేక్ వార్తలకు ఫుల్ స్టాప్ పడినట్లయింది. ప్రస్తుతం ‘లవ్ టుడే’ సినిమా ఓటీటీ వేదికగా స్ట్రీమ్ అవుతోంది.

నెట్ ఫ్లిక్స్ లో తెలుగు, తమిళ భాషల్లో సినిమా అందుబాటులో ఉంది. ఓటీటీలో కూడా ఈ సినిమాకి మంచి ఆదరణ లభిస్తోంది. దీంతో ఈ సినిమాను ఇతర భాషల్లో రీమేక్ చేస్తారనే ప్రచారం జరిగింది. బాలీవుడ్ లో అయితే హీరోగా ఎవరు నటిస్తారో కూడా వార్తలొచ్చాయి. ఇక బోనీకపూర్ విషయానికొస్తే.. హిందీతో పాటు సౌత్ లో కూడా సినిమాలను నిర్మిస్తూ.. సక్సెస్ ఫుల్ ప్రొడ్యూసర్ గా దూసుకుపోతున్నారు.

తాజాగా ఆయన తమిళ స్టార్ హీరో అజిత్ ‘తునివు’ సినిమాను నిర్మించారు. ఈ సినిమాను సంక్రాంతి కానుకగా రిలీజ్ చేయనున్నారు. ఇప్పటికే ఈ సినిమాకి సంబంధించిన ట్రైలర్ విడుదలైంది. బ్యాంక్ దొంగతనం నేపథ్యంలో ఈ సినిమా సాగుతుంది.

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?