దివంగత నటి, అతిలోక సుందరి శ్రీదేవి కుమార్తె జాన్వీకపూర్ హీరోయిన్ గా ఎంట్రీ ఇచ్చిన సంగతి తెలిసిందే. బాలీవుడ్ లో కమర్షియల్ సినిమాలతో పాటు లేడీ ఓరియెంటెడ్ కథల్లో కూడా నటిస్తూ తన సత్తా చాటుతోంది. ఆమె నటించిన ‘గుంజన్ సక్సేనా’, ‘రూహీ’ లాంటి సినిమాలు ఓటీటీలో విడుదలై మంచి టాక్ ను సొంతం చేసుకున్నాయి. ఇదిలా ఉండగా.. చాలా కాలంగా జాన్వీ టాలీవుడ్ లో ఎంట్రీ ఇవ్వబోతుందని వార్తలు వస్తున్నాయి.
ఎన్టీఆర్ సినిమా ఆమె ఎంట్రీ ఇవ్వనుందని.. కాదు కాదు రామ్ చరణ్ తో అని.. ఇలా సోషల్ మీడియాలో ప్రచారాలు జరిగాయి. తాజాగా ఈ విషయంపై జాన్వీ కపూర్ తండ్రి బోనీకపూర్ క్లారిటీ ఇచ్చారు. ఆయన నిర్మించిన ‘వలిమై’ సినిమా విడుదలకు సిద్ధంగా ఉంది. ఈ సినిమాలు తెలుగు, తమిళ, హిందీ, మలయాళ, కన్నడ ఇలా పాన్ ఇండియా లెవెల్ లో రిలీజ్ చేస్తున్నారు. ఈ సినిమా ప్రమోషన్స్ లో జోరుగా పాల్గొంటున్నారు బోనీకపూర్.
ఈ క్రమంలో హైదరాబాద్ లో ఓ ప్రెస్ మీట్ కి హాజరయ్యారు. ఈ సందర్భంగా ఆయనకు జాన్వీ కపూర్ కి సంబంధించిన ప్రశ్నలు ఎదురయ్యాయి. తారక్ సరసన హీరోయిన్ గా జాన్వీ టాలీవుడ్ లో ఎంట్రీ ఇవ్వనుందనే మాటలు వినిపిస్తున్నాయని బోనీకపూర్ ని ప్రశ్నించగా.. తను కూడా ఆ వార్తలు సోషల్ మీడియాలోనే వింటున్నానని.. కానీ ఈ విషయంలో తమను ఎవరూ అప్రోచ్ అవ్వలేదని అన్నారు. అయితే జాన్వీ కపూర్ టాలీవుడ్ లో ఎంట్రీ ఇవ్వడం ఖాయమని..
తెలుగులోనే కాకుండా తమిళ, మలయాళ, కన్నడ భాషల్లో ఆమె సినిమాలు చేస్తుందని.. తన తల్లి లెగసీని కంటిన్యూ చేస్తుందని చాలా నమ్మకంగా చెప్పారు. ప్రస్తుతం బోనీకపూర్ చేసిన ఈ వ్యాఖ్యలు బాగా వైరల్ అవుతున్నాయి. ఆయన మాటలను బట్టి జాన్వీ త్వరలోనే సౌత్ ఇండస్ట్రీలో అడుగుపెట్టడం ఖాయమనిపిస్తుంది.
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
