Nani, Varun Tej: నానికి ఇబ్బందిగా మారిన మెగాహీరో!

November 16, 2021 / 11:25 AM ISTByFilmy Focus

Join Us

Nani, Varun Tej: నానికి ఇబ్బందిగా మారిన మెగాహీరో!

క్రిస్మస్ పండగ సెలవులను అడ్వాంటేజ్ గా తీసుకోవాలని ప్లాన్ వేశాడు హీరో నాని. కానీ అతడి ప్లాన్ వర్కవుట్ అవ్వడం లేదు. నానికి పోటీగా వరుణ్ తేజ్ రంగంలోకి డుగుతున్నాడు. ఇప్పటికే చాలాసార్లు వాయిదా పడ్డ ‘గని’ సినిమాను డిసెంబర్ 24న రిలీజ్ చేయబోతున్నట్లు ప్రకటించారు. ఈ డేట్ ని బట్టి నాని, వరుణ్ తేజ్ మధ్య పోటీ తప్పదని తెలుస్తోంది. నాని నటిస్తోన్న శ్యామ్ సింగరాయ్’ సినిమాను ఇప్పటికే డిసెంబర్ 24న రిలీజ్ చేయబోతున్నట్లు ప్రకటించారు.

దానికి తగ్గట్లుగా ప్రమోషన్స్ కూడా షురూ చేశారు. ఇపుడేమో సడెన్ గా రేసులోకి వరుణ్ తేజ్ ‘గని’ సినిమా వస్తోంది. నాని నటించిన ‘వి’, ‘టక్ జగదీష్’ సినిమాలు బ్యాక్ టు బ్యాక్ ఓటీటీలో విడుదలయ్యాయి. ఆ సమయంలో నాని చాలా విమర్శలు ఎదుర్కొన్నాడు. దీంతో ఈసారి తన సినిమాను థియేటర్లో భారీ ఎత్తున రిలీజ్ చేయాలనుకున్నాడు. అందుకే చాలా ముందుగా క్రిస్మస్ కి తన సినిమా వస్తుందని ప్రకటించారు.

అయితే నానికి ఇప్పుడు సోలో రిలీజ్ బెనిఫిట్ లేకుండా వరుణ్ తేజ్ చేస్తున్నారు. ఈ రెండు సినిమాలు పోటీ పడితే కలెక్షన్స్ విషయంలో తేడాలొస్తాయి. మరి వీరిద్దరిలో ఎవరైనా వెనక్కి తగ్గుతారేమో చూడాలి!