బ్రహ్మాజీకి పవన్ ఇచ్చిన రిప్లై హైలైట్

September 4, 2020 / 01:16 PM ISTByFilmy Focus

Join Us

సాధారణంగా పవన్ కళ్యాణ్ తాను నటించిన సినిమాలను కూడా సరిగా చూడరు. ఈ విషయాన్ని ఆయనతో పాటు చాలా మంది దర్శకులు కూడా చెప్పారు. తన సినిమాలే చూడని పవన్ కళ్యాణ్ ఓ తమిళ సినిమాలో పాటని లెక్కలేనన్ని సార్లు చూశాడంటే విశేషమే కదా! శివ కార్తికేయన్, తెలుగు అమ్మాయి శ్రీదివ్య జంటగా నటించిన తమిళ సినిమా ‘వరుత్తిపాడు వాలిబర్ సంఘం’. తెలుగులో హీరో మంచు మనోజ్ ‘కరెంట్ తీగ’గా రీమేక్ చేశారు. ఆ తమిళ సినిమాలో ‘ఊదా రంగు రిబ్బన్’ పాటను పవన్ కళ్యాణ్ లెక్కలేనన్ని సార్లు చూశాడట.

శివ కార్తికేయన్ పుట్టినరోజు శుభాకాంక్షలు చెప్పగా… అతడికి పవన్ రిప్లై ఇచ్చాడు. అప్పుడు ఈ పాట సంగతి చెప్పారు. ఇక తనకు పుట్టిన రోజు శుభాకాంక్షలు తెలిపిన చాలామందికి రిప్లై ఇచ్చారు. అందులో బ్రహ్మాజీ కి ఇచ్చిన రిప్లై హైలైట్ అని చెప్పుకోవాలి. బ్రహ్మాజీని ‘యాక్టర్’ అనీ, తనను ‘నాన్-యాక్టర్’ అని పవన్ పేర్కొనడం విశేషం. అలాగే, ‘ఉమామహేశ్వర ఉగ్రరూపస్య’ చిత్రంలో సత్యదేవ్ నటన తనకు నచ్చిందని సత్యదేవ్ కి‌ ఇచ్చిన రిప్లైలో పేర్కొన్నారు.