టాలీవుడ్ ఇండస్ట్రీలో అన్ని రకాల పాత్రలు చేస్తూ మంచి పేరు తెచ్చుకున్న బ్రహ్మాజీ ప్రస్తుతం వరుస ఆఫర్లతో బిజీగా ఉన్నరు. వైవిధ్యం ఉన్న పాత్రల్లో నటిస్తూ నటుడిగా బ్రహ్మాజీ సత్తా చాటుతుండటం గమనార్హం. సోషల్ మీడియాలో కూడా యాక్టివ్ గా ఉండే బ్రహ్మాజీ పలు సందర్భాల్లో తన పోస్టుల ద్వారా వార్తల్లో నిలిచారు. అయితే తాజాగా ఒక నెటిజన్ బ్రహ్మాజీకి కోపం తెప్పించగా ఆ నెటిజన్ పై బ్రహ్మాజీ ఫైర్ అయ్యారు. కాలం మారుతున్నా,
కొత్త టెక్నాలజీలు అందుబాటులోకి వస్తున్నా కొంతమంది కులంపై అభిమానాన్ని పెంచుకుంటున్నారు. కులపిచ్చితో ఒక నెటిజన్ తనదీ బ్రహ్మాజీది ఒకే కులం కావడంతో తనకు సినిమా ఆఫర్ ఇప్పించాలని కోరారు. తనకు సినిమా ఇండస్ట్రీ అంటే చాలా ఇష్టమని నేను మన కమ్యూనిటీకే చెందినవాడినని మీ తరపున ఏదో ఒక పాత్రలో నటించే అవకాశాన్ని తనకు ఇప్పించాలని ఒక నెటిజన్ బ్రహ్మాజీని కోరారు. సినిమాలో ఛాన్స్ కావాలని అడగడంలో తప్పు లేకపోయినా కులాన్ని ప్రస్తావించి ఛాన్స్ అడగడం బ్రహ్మాజీకి ఏ మాత్రం నచ్చలేదు.
ఆ నెటిజన్ కు బ్రహ్మాజీ తాను ఇండియన్ అని తెలుగోడిని అని అదే తన కమ్యూనిటీ అని చెప్పుకొచ్చారు. బ్రహ్మాజీ ఇచ్చిన సమాధానాన్ని నెటిజన్లు మెచ్చుకోవడంతో పాటు కులం పేరుతో అవకాశం కోరిన నెటిజన్ ను ట్రోల్ చేస్తున్నారు. నెటిజన్ మరోసారి కులం పేరెత్తకుండా కౌంటర్ ఇచ్చారని నెటిజన్లు బ్రహ్మాజీని ప్రశంసిస్తున్నారు. బ్రహ్మాజీ ఇచ్చిన సమాధానంతో భవిష్యత్తులో సెలబ్రిటీలకు చేసే మెసేజ్ ల విషయంలో నెటిజన్లు జాగ్రత్త పడే అవకాశం ఉంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
