నయా లుక్ తో తారక్..!!

జనతా గ్యారేజ్ షూటింగ్ మొదలైనప్పటి నుంచి ఆ సినిమాపై అభిమానుల్లో క్రేజ్ పెరుగుతోంది. కొరటాల శివ దర్శకత్వంలో యంగ్ టైగర్ ఎన్టీఆర్ నటిస్తున్న ఈ సినిమా ఫస్ట్ లుక్ విపరీతమైన లైకులు అందుకుంది. టీజర్ యూట్యూబ్లో రికార్డ్ సృష్టించింది. ఆ తర్వాత విడుదలైన సినిమా పోస్టర్లు అభిమానుల్ని ఆకట్టుకుంది. వీటన్నింటిలో తారక్ మాత్రం కనిపించారు. తొలి సారి అందమైన భామలతో జూనియర్ ఎన్టీఆర్ ఉన్న పోస్టర్ ని మంగళవారం విడుదల చేశారు.

జనతా గ్యారేజ్ లో సమంత, నిత్యామీనన్ లు హీరోయిన్లుగా నటించారు. సినిమాలో వారి లుక్ ఎలా ఉంటుందో అని ఎదురుచూస్తున్నవారికి ఈ పోస్టర్ విందు భోజనం అయింది. నారీ నారీ నడుమ మురారి అనే రీతిలో సమంత, తారక్, నిత్యామీనన్ జాలీగా పరిగెత్తుతున్న ఫోటో తెగ నచ్చేసింది. ఇందులో యంగ్ టైగర్ లుక్ విభిన్నంగా ఉంది. గడ్డం పెంచి, స్పెర్స్ పెట్టి, స్కార్ఫ్ తలకు చుట్టుకొని ఉన్న తారక్ అమ్మాయిల హృదయాలను గెలుకునే విధంగా ఉన్నాడు. రాక్ స్టార్ దేవీ శ్రీ ప్రసాద్ సంగీతం అందిస్తున్న ఈ చిత్రం ఆడియో ఈ నెల 12 న విడుదల కానుంది. మైత్రి మూవీ మేకర్స్ వారు నిర్మిస్తున్న ఈ మూవీ థియేటర్లలో సెప్టెంబర్ 2 న సందడి చేయనుంది.

Here it is… With the beautiful girls pic.twitter.com/po7r0w9V3h

— koratala siva (@sivakoratala) August 9, 2016