Vamsi, Vijay: ఫ్యామిలీ డ్రామాతో విజయ్ సినిమా!

April 21, 2022 / 06:07 PM ISTByFilmy Focus

Join Us

Vamsi, Vijay: ఫ్యామిలీ డ్రామాతో విజయ్ సినిమా!

ఎన్టీఆర్ హీరోగా దర్శకుడు వంశీ పైడిపల్లి తెరకెక్కించిన ‘బృందావనం’ సినిమా ఎంత పెద్ద సక్సెస్ అయిందో తెలిసిందే. ఫ్యామిలీ ఆడియన్స్ కు ఈ సినిమా బాగా కనెక్ట్ అయింది. ఈ సినిమాతో దర్శకుడిగా తన మార్క్ చూపించాడు వంశీ పైడిపల్లి. ఆ తరువాత వరుస హిట్స్ తో దూసుకుపోతున్నాడు వంశీ. ఇప్పుడు స్టార్ హీరోలతో సినిమాలు చేస్తూ బిజీగా మారారు. ప్రస్తుతం తమిళ హీరో విజయ్ తో వంశీ పైడిపల్లి ఓ సినిమా చేస్తోన్న సంగతి తెలిసిందే.

Click Here To Watch NOW

దిల్ రాజు నిర్మాతగా వ్యవహరిస్తున్నారు. హీరోయిన్ గా రష్మికను ఫైనల్ చేసిన సంగతి తెలిసిందే. విజయ్ తొలిసారి తెలుగులో నటిస్తోన్న సినిమా కావడంతో భారీ అంచనాలు నెలకొన్నాయి. విజయ్-వంశీ సినిమా అనగానే.. మాస్ అండ్ యాక్షన్ ఫిలిం వస్తుందని అంతా అనుకున్నారు. కానీ ఈసారి విజయ్ కోసం పూర్తి ఫ్యామిలీ డ్రామాను ఎన్నుకున్నట్లు తెలుస్తోంది. ‘బృందావనం’ సినిమా మాదిరి ఇది ఓ కుటుంబం చుట్టూ తిరిగే కథ అని సమాచారం.

బంధాలు బంధుత్వాలు ముఖ్య‌మ‌ని, అంతా క‌లిసిక‌ట్టుగా ఉంటే.. ఎలాంటి స‌మ‌స్య‌నైనా ప‌రిష్క‌రించ‌గ‌లం అని మెసేజ్ ఇచ్చేలా సినిమా ఉంటుందని చెబుతున్నారు. ‘బృందావనం’ సినిమా కూడా ఇలాంటి కాన్సెప్ట్ తోనే చిత్రీకరించారు. విజయ్ ఫ్యామిలీ డ్రామాలు చేసి చాలా కాలమైంది. ఆ మాటకొస్తే అయన కెరీర్ లో ఫ్యామిలీ డ్రామాలు పెద్దగా స్కోప్ లేదు. అందుకే ఈ కథ వినగానే విజయ్ కి బాగా నచ్చిందట.

దిల్ రాజు బ్యానర్ లో వచ్చిన ఫ్యామిలీ డ్రామాలు ఏ రేంజ్ లో పండాయో తెలిసిందే. అందుకే ఆయన కూడా భారీ బడ్జెట్ తో సినిమా తీయడానికి రెడీ అయ్యాడు. మరి ఈ సినిమా ఎలాంటి సక్సెస్ అందుకుంటుందో చూడాలి!