‘ఫలానా హీరో నెక్స్ట్‌ సినిమా ఏంటి?’, ‘ఫలానా దర్శకుడు తరువాతి సినిమా ఏంటి?’ ఈ మధ్య కాలంలో ఇలాంటి ప్రశ్నలు ఎక్కువగా వినిపిస్తున్నాయి. దీనికి కారణం సినిమాలు అనుకున్నట్లు వార్తలొచ్చినా.. ఏదీ ఫైనల్‌ కాక స్టార్ హీరోలు ఖాళీగా ఉంటున్నారు. తాజాగా ఇలాంటి పరిస్థితి ఎదుర్కొంటున్న హీరోల్లో తారక్ ఒకడు. ఇక దర్శకుల విషయానికొస్తే.. ఇలాంటి డైరక్టర్లలో బుచ్చిబాబు సానా ఒకరు. ‘ఉప్పెన’తో టాలీవుడ్‌ను ఆకట్టుకున్న బుచ్చిబాబు సానా నెక్స్ట్‌ సినిమా ఇంకా స్టార్ట్‌ చేయలేదు.
‘ఉప్పెన’ ప్రచారం సమయంలో ఎన్టీఆర్‌తో బుచ్చి ఓ సినిమా చేస్తారని వార్తలొచ్చాయి. తమ సినిమా మీద హైప్‌ కోసం ఇలా చేస్తున్నారేమో అని అనుకున్నారు. అయితే తారక్, బుచ్చిబాబు మధ్య మంచి సాన్నిహిత్యం ఉందని, సినిమా కూడా ఉందని వార్తలొచ్చాయి. అయితే ఇప్పటివరకు దీనిపై అధికారికంగానే, అనధికారికంగా గానీ సినిమా సంగతులు బయటకు రావడం లేదు. తారక్ ఆమధ్య తన నెక్స్ట్‌ సినిమాల గురిచి చెబుతూ.. బుచ్చిబాబు పేరు ప్రస్తావించలేదు. దీంతో ఇక సినిమా లేనట్లే అనుకున్నారు.
అయితే మళ్లీ కొద్ది రోజులకే బుచ్చిబాబు, ఎన్టీఆర్ కలిశారని వార్తలొచ్చాయి. ఆ వెంటనే కథ పట్టుకుని బుచ్చిబాబు.. సుకుమార్‌ను కలిశారని కూడా చెప్పారు. కథ గురించి కొన్ని డౌట్స్‌ను క్లియర్‌ చేసుకోవడానికి బుచ్చిబాబు కలిశారు అని అన్నారు. అయితే ఇప్పుడు బుచ్చిబాబు రామ్‌చరణ్‌ను కలిశారు అనే టాక్‌ ఒకటి టాలీవుడ్ వర్గాల్లో వినిపిస్తోంది. ఓ సినిమా కథ ఐడియాను చరణ్‌తో బుచ్చిబాబు షేర్‌ చేసుకున్నారని, బాగుంది డెవలప్‌ చేయమని చరణ్ చెప్పారని ఆ గుసగుసల సారాంశం. దీంతో బుచ్చిబాబు ఆ పనిలో పడ్డారని అంటున్నారు.
దీంతో మరి తారక్ సినిమా ఏమైంది అనే ప్రశ్న వస్తోంది. చరణ్ సినిమా అయ్యాక తారక్ సినిమా ఉంటుందా లేక తారక్ సినిమా తర్వాతే చరణ్ సినిమా వస్తుందా అనేది చూడాలి. ప్రస్తుతానికి ఇద్దరు హీరోలు ఖాళీగా లేరు. శంకర్ సినిమా అయ్యాక చరణ్.. గౌతమ్‌ తిన్ననూరి సినిమా చేయాల్సి ఉంది. మరోవైపు తారక్ చేతిలో కొరటాల శివ సినిమా, ప్రశాంత్‌ నీల్‌ సినిమాలు ఉన్నాయి. సో.. బుచ్చిబాబు నెక్స్ట్‌ ఏంటి అనే విషయంలో ఇంకా క్లారిటీ రాలేదు.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home