Peddi: ‘పెద్ది’లో ట్రాజెడీ క్లైమాక్స్ ఏమీ ఉండదు.. హ్యాపీ ఎండింగే ఉంటుంది

రామ్ చరణ్ హీరోగా ‘ఉప్పెన’ ఫేమ్ బుచ్చిబాబు సానా దర్శకత్వంలో రూపొందిన భారీ బడ్జెట్ సినిమా ‘పెద్ది'(Peddi). ఈ పాన్ ఇండియా సినిమాను ‘వ్రిద్ధి సినిమాస్’ బ్యానర్‌పై వెంకట్ సతీష్ కిలారు నిర్మించారు.

Peddi

దాదాపు రూ. 350 కోట్ల భారీ బడ్జెట్‌తో తెరకెక్కిన ఈ చిత్రానికి ‘సుకుమార్ రైటింగ్స్’ సంస్థపై దర్శకుడు సుకుమార్ కూడా సమర్పకులుగా వ్యవహరించారు.

దేశమంతా ఈ సినిమా రాకకోసం ఎంతో ఆసక్తిగా ఎదురుచూస్తుండగా.. టాలీవుడ్ బాక్సాఫీస్‌కు ఇది గట్టిగా ఊపిరి పోస్తుందని ఇక్కడి డిస్ట్రిబ్యూటర్లు కూడా భారీ ఆశలు పెట్టుకున్నారు.జూన్ 4న ఈ సినిమా విడుదల కానుంది. ఇదిలా ఉంటే, ఈ సినిమా విషయంలో దర్శకుడు బుచ్చిబాబు సానా చేస్తున్న కొన్ని వ్యాఖ్యలు చరణ్ అభిమానులను కాస్త టెన్షన్ పెడుతున్నాయి.ఇటీవల సినిమా ప్రమోషన్స్/టాక్స్‌లో బుచ్చిబాబు మాట్లాడుతూ.. ‘ ‘పెద్ది’ క్లైమాక్స్ విపరీతమైన ఎమోషన్‌తో కూడి ఉంటుంది.

అసలు చరణ్ లాంటి స్టార్ హీరో ఈ కథను ఎలా ఓకే చేశాడా? అని సినిమా చూసిన తర్వాత ప్రతి ఒక్కరూ ఆశ్చర్యపోతారు” అంటూ చెప్పుకొచ్చాడు. దాంతో, ‘ఉప్పెన’ సినిమా మాదిరిగానే ‘పెద్ది’లో కూడా ట్రాజెడీ క్లైమాక్స్ ఉంటుందేమోనని మెగా అభిమానులు కంగారు పడుతున్నారు.ఈ అనుమానాలపై ఈరోజు జరిగిన విలేఖరి సమావేశంలో దర్శకుడు బుచ్చిబాబు స్పందించారు. ” ‘పెద్ది’ సినిమాలో ట్రాజెడీ క్లైమాక్స్ ఏమీ ఉండదు.. పక్కా హ్యాపీ ఎండింగే ఉంటుంది” అని క్లారిటీ ఇచ్చేశారు.

అయితే బుచ్చిబాబు చెప్పిన ఆ హ్యాపీ ఎండింగ్ ఎలా ఉండబోతుందో..? దానికి థియేటర్లలో అభిమానుల నుండి కామన్ ఆడియన్స్ నుండి ఎలాంటి రెస్పాన్స్ వస్తుందో చూడాలి..!

‘ఒక్కడు’ కథ మహేష్ బాబు కోసమే రాసుకుని ఉంటే.. అది మరో ‘సైనికుడు’ అయ్యుండేది : గుణశేఖర్