‘ఉప్పెన’ సినిమా తర్వాత దర్శకుడు బుచ్చిబాబు సానా నుండి కొత్త సినిమా ఏదీ ప్రారంభం కాలేదు. ఇదిగో అదిగో అంటూ ఎన్టీఆర్‌ సినిమా ఊరించినా.. ఆఖరికి ఆ ప్రాజెక్ట్‌ లేదని తేలిపోయింది. మళ్లీ ఎవరు అనుకుంటుండగా రామ్‌చరణ్‌ సినిమా అంటూ అధికారికంగా ప్రకటించేశారు. కొన్ని రోజుల పాటు అప్‌డేట్స్‌ వినిపించినా.. ఆ తర్వాత సైలెంట్‌ అయిపోయింది. ఎందుకా అని అనుకుంటే.. కథను పూర్తి స్థాయిలో సిద్ధం చేసే పనిలో ఉన్నారని తెలిసింది. ఇప్పుడు ఆ పని అయిపోయి కాస్టింగ్‌ పనిలో పడ్డారట.
అలాగే సినిమా టెక్నికల్‌ టీమ్‌ను ఫైనల్ చేస్తుననారు అని అంటున్నారు. ఈ క్రమంలో కొన్ని ఆసక్తికరమైన పేర్లు వినిపిస్తున్నాయి. ఇదంతా వింటుంటే బుచ్చిబాబు మళ్లీ యాక్టివేట్‌ అయ్యారు అని కామెంట్స్ వినిపిస్తున్నాయి. స్పోర్ట్స్‌ డ్రామాగా సిద్ధం కానున్న ఈ సినిమాకు ‘ఆర్‌సీ16’ (RC16) వర్కింగ్‌ టైటిల్‌ ఇచ్చారు. ఈ సినిమాలో కోలీవుడ్‌ నటుడు విజయ్‌ సేతుపతి యాక్ట్‌ చేయనున్నారంటూ జోరుగా ప్రచారం సాగుతోంది. అయితే, అది విలన్‌ కాదట. సినిమా మొదలైన నాటి నుండి చివరి వరకూ ఈ పాత్ర ఉంటుందట.
అలాగే ప్రముఖ సంగీత దర్శకుడు ఏఆర్‌ రెహమాన్ ఈ చిత్రానికి సంగీత దర్శకుడిగా వ్యవహరిస్తారని కూడా చెబుతున్నారు. గతంలో ఈ వార్త వచ్చినా ఇప్పుడు బాగా బలంగా వినిపిస్తోంది. దాదాపు ఈ విషయంలో రెహమాన్ ఓకే అవుతారు అని కూడా అంటున్నారు. సుకుమార్ రైటింగ్స్, మైత్రీ మూవీ మేకర్స్ సమర్పణలో వృద్ధి సినిమాస్ బ్యాన‌ర్‌పై వెంక‌ట్ స‌తీష్ కిలారు ఈ సినిమాను నిర్మిస్తున్నారు. ‘గేమ్‌ ఛేంజర్‌’ పనులు పూర్తయ్యాక ఈ సినిమా పట్టాలెక్కొచ్చని సమాచారం.
ఆ లెక్కన వచ్చే ఏడాది సినిమా సెట్స్‌పైకి వెళ్ల‌నుందని భోగట్టా. అన్నీ అనుకున్నట్లుగా సాగితే.. జులై 10 లేదా 11 నుండి ‘గేమ్‌ ఛేంజర్‌’ షూటింగ్ రీస్టార్ట్ చేస్తున్నట్టు సమాచారం. ఈ షెడ్యూల్‌లో భారీ యాక్షన్ సీక్వెన్స్‌లు తెరకెక్కించే ప్రయత్నాలు జరుగుతున్నాయి. అలాగే ఈ షెడ్యూల్ అంతా హైదరాబాద్‌లోనే ప్లాన్ చేస్తున్నారట.
రంగబలి సినిమా రివ్యూ & రేటింగ్!
రుద్రంగి సినిమా రివ్యూ & రేటింగ్!
18 స్టార్ హీరోయిన్ల చిన్ననాటి రేర్‌ ఫోటోలు వైరల్!
Home