కల్కి (Kalki 2898 AD) సినిమా రిలీజ్ కోసం ప్రభాస్ (Prabhas) అభిమానులు కళ్లు కాయలు కాచేలా ఎదురుచూస్తున్న సంగతి తెలిసిందే. జూన్ నెల రావడంతో ప్రభాస్ ఫ్యాన్స్ సంబరాలు అంబరాన్నంటాయి. ఇప్పటికే ప్రపంచవ్యాప్తంగా ప్రభాస్ కు భారీ స్థాయిలో క్రేజ్ ఉండగా ఆ క్రేజ్ ను కల్కి 2898 ఏడీ ఎన్నో రెట్లు పెంచుతుందని ఫ్యాన్స్ ఫీలవుతున్నారు. హాలీవుడ్ సినిమాలకు ధీటుగా ఈ సినిమా ఉండనుందని ఫ్యాన్స్ భావిస్తున్నారు. భైరవ, బుజ్జి సిల్వర్ స్క్రీన్ పై చేసే విన్యాసాలు మామూలుగా ఉండవని గతంలో భారతీయ సినీ చరిత్రలో రాని కథాంశంతో ఈ సినిమా తెరకెక్కుతోందని కామెంట్లు వినిపిస్తున్నాయి.
కల్కి 2898 ఏడీ డిజిటల్ రైట్స్ అమెజాన్ ప్రైమ్ సొంతం చేసుకుందని ఇండస్ట్రీ వర్గాల్లో వినిపిస్తోంది. సినిమా రిలీజైతే డిజిటల్ రైట్స్ కు సంబంధించి పూర్తిస్థాయిలో స్పష్టత వచ్చే ఛాన్స్ అయితే ఉంటుందని చెప్పవచ్చు. మరోవైపు కల్కి ప్రమోషన్స్ లో భాగంగా బుజ్జిని దేశంలోని ప్రధాన నగరాల్లో తిప్పుతూ కల్కి మేకర్స్ సినిమాపై అంచనాలను అమాంతం పెంచేస్తున్నారు. అయితే బుజ్జిలాంటి కారు ఒకటి ప్రస్తుతం సోషల్ మీడియా వేదికగా వైరల్ అవుతోంది.
లుక్స్, డిజైన్ పరంగా బుజ్జికి ధీటుగా ఉన్న ఈ కారుకు నెటిజన్లు విచిత్రమైన పేర్లు పెడుతున్నారు. కొంతమంది బుజ్జి 2.0 అని పేరు పెడుతుంటే మరి కొందరు మినీ బుజ్జి అని కామెంట్లు చేస్తున్నారు. బుజ్జిలాంటి వైరల్ అవుతున్న కారు కెనడాలో కనిపించడం గమనార్హం. మరి కొందరు కల్కి సినిమాలో ఉన్న కారు తండ్రి అని సోషల్ మీడియాలో వైరల్ అయ్యే కారు కొడుకు అని అభిప్రాయపడుతున్నారు.
భవిష్యత్తులో బుజ్జిలాంటి కార్లదే మార్కెట్ లో హవా అని మరి కొందరు కామెంట్లు చేస్తున్నారు. కల్కి సినిమాలోని కారు కోసం ఏకంగా 7 కోట్ల రూపాయలు ఖర్చు చేయడం గమనార్హం. కెనడాలో చక్కర్లు కొడుతున్న బుజ్జిలాంటి కారును చూసి నెటిజన్లు ఆశ్చర్యపోతున్నారు.
View this post on Instagram
