బాలకృష్ణ కెరీర్ లోనే హయ్యస్ట్ రేట్ ఆఫర్ చేస్తున్నారు

‘ఎన్టీఆర్’ రెగ్యులర్ షూటింగ్ ఇటీవలే మొదలైన విషయం తెలిసిందే. మరో వైపున ఈ సినిమాకి సంబంధించిన ముఖ్యమైన పాత్రలకిగాను నటీనటుల ఎంపిక జరుగుతుంది. ఈ నేపథ్యంలో “ఎన్టీఆర్‌” సినిమాపై అందరిలోనూ ఆసక్తి నెలకొంది. ప్రస్తుతం ఈ సినిమా షూటింగ్‌ శరవేగంగా జరుగుతోంది. ఎన్టీఆర్‌ తనయుడు బాలకృష్ణ టైటిల్‌ రోల్‌ పోషిస్తున్నారు. క్రిష్‌ దర్శకత్వం వహిస్తున్నారు. బసవతారకం పాత్రలో బాలీవుడ్‌ నటి విద్యాబాలన్‌, నారా చంద్రబాబునాయుడు పాత్రలో రానా నటిస్తున్నారు.

ఈ చిత్రం వరల్డ్ వైడ్ రైట్స్ కి భారీ డిమాండ్ ఏర్పడింది. ప్రఖ్యాత నిర్మాణ సంస్థలు ఏరోస్, సోనీ పిక్చర్స్ దాదాపు 85 కోట్ల రూపాయలు ఆఫర్ చేసినట్లు సమాచారం. ఇప్పటివరకూ బాలయ్య కెరీర్ లో ఏ సినిమాకి ఈ స్థాయిలో మార్కెట్ అవ్వలేదు. ప్రపంచదేశాలలో నందమూరి తారకరామారావుకి ఉన్న గుర్తింపు, అభిమానగణాన్ని ముందుగానే అంచనా వేసిన సంస్థలు ఈ విధంగా భారీ స్థాయిలో రైట్స్కోసం పోటీ పడుతున్నాయి. ఇటీవలే ఒక షెడ్యూల్ పూర్తి చేసుకొన్న ఎన్టీఆర్ టీం ఈ ఆఫర్ ను స్వీకరిస్తారో లేక మరింత మంచి ఆఫర్ కోసం సినిమా షూటింగ్ కంప్లీట్ అయ్యేవరకు వరకూ వెయిట్ చేస్తారో చూడాలి.