పవన్ సినిమాకి కూడా ఇలాంటి కష్టం వచ్చి పడిందేంటి..!

లాక్ డౌన్ తరువాత థియేటర్లలో విడుదల కాబోతున్న పెద్ద సినిమా పవర్ స్టార్ పవన్ కళ్యాణ్ నటించిన ‘వకీల్ సాబ్’ అనే చెప్పాలి. ఏప్రిల్ 9న ఉగాది కానుకగా ఈ చిత్రాన్ని విడుదల చెయ్యబోతున్నట్టు దర్శకనిర్మాతలు ప్రకటించారు. ఈ చిత్రాన్ని వేణు శ్రీరామ్ డైరెక్ట్ చెయ్యగా.. దిల్ రాజు,బోణి కపూర్లు కలిసి నిర్మించారు. శృతీ హాసన్ హీరోయిన్ గా నటిస్తున్న ఈ చిత్రంలో అంజలి కూడా ఓ కీలక పాత్ర పోషిస్తుంది. తమన్ సంగీతంలో రూపొందిన 2 పాటలు ఆల్రెడీ విడుదలయ్యి సూపర్ హిట్ అయ్యాయి.

ఇదిలా ఉండగా.. ఈ చిత్రానికి బిజినెస్ ఆశించిన స్థాయిలో జరగడం లేదు అనేది తాజా సమాచారం. పవన్ సినిమాకి బిజినెస్ జరగకపోవడం ఏంటి అని మీకు అనిపించొచ్చు కానీ ఇది నిజమే..! వివరాల్లోకి వెళితే.. వకీల్ సాబ్ చిత్రానికి రూ.100కోట్ల థియేట్రికల్ బిజినెస్ జరుగుతుందని నిర్మాత దిల్ రాజు అనుకున్నారట. కానీ రూ.90 కోట్ల నుండీ రూ.95 కోట్ల మధ్యలోనే జరుగుతుందని టాక్.ముఖ్యంగా ఈ చిత్రం ఆంధ్ర హక్కులను రూ.40కోట్లకు విక్రయించాలని దిల్ రాజు భావించాడట.

కానీ అక్కడి బయ్యర్స్ అంత పెద్ద మొత్తానికి ఇంట్రెస్ట్ చూపించడం లేదని తెలుస్తుంది. తూర్పు గోదావరి జిల్లాకు గాను రూ.6.4కోట్ల రేటు చెప్పగా.. ఆ రేటుకి అక్కడి వారు ఆసక్తి చూపకపోవడంతో ‘వింటేజ్ క్రియేషన్స్’ వారి ద్వారా ఓన్ రిలీజ్ చేసుకోవాలని దిల్ రాజు డిసైడ్ అయినట్టు తెలుస్తుంది. పవన్ గత చిత్రమైన ‘అజ్ఞాతవాసి’ కి ఆంధ్రలో రూ.45కోట్ల పైనే బిజినెస్ జరిగింది.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!