ప్రస్తుత కాలంలో బుల్లితెర మీద కామెడీ, డాన్స్, సింగింగ్ షో లతో పాటు టాక్ షోలకి కూడా డిమాండ్ బాగా పెరిగింది. గతంలో ప్రదీప్ హోస్ట్ చేసిన “కొంచం టచ్ లో ఉంటే చెప్తా” అనే షో బాగా పాపులర్ అయ్యింది. ఇక ఇప్పుడు అలీ తో సరదాగా అనే టాక్ షో కి కూడా మంచి ఆదరణ ఉంది. ముఖ్యంగా సెలబ్రిటీలకు సంబంధించిన వివరాల గురించి తెలుసుకోవడానికి ప్రేక్షకులు ఆసక్తి చూపుతూ ఉంటారు అందువల్ల ఎటువంటి టాక్ షోలకు అయినా మంచి గుర్తింపు లభిస్తుంది.
ఇక ఆహాలో ప్రసారం అవుతున్న అన్ స్టాపబుల్ షో కి కూడా మంచి ఫాలోయింగ్ లభించింది. ప్రస్తుతం బాలయ్య హోస్ట్ గా వ్యవహరిస్తున్న ఈ షో నెంబర్ వన్ గా కొనసాగుతోంది. ఇక ఇటీవల మరొక టాక్ షో రెడీ అయింది. సింగర్ స్మిత హోస్ట్ గా వ్యవహరిస్తున్న ‘నిజం విత్ స్మిత’. ఈ షో ప్రోమోతోనే ప్రేక్షకులలో ఆసక్తి పెంచింది. ఇక ఈ షో మొదటి ఎపిసోడ్ కి చిరంజీవి గెస్ట్ గా హాజరయ్యారు. ఇక ఈ షో లో చిరంజీవి తన వ్యక్తిగత విషయాల గురించి కుటుంబ విషయాల గురించి వెల్లడించాడు.
ముఖ్యంగా పవన్ కళ్యాణ్ గురించి చిరంజీవి చేసిన వ్యాఖ్యలు ప్రస్తుతం సోషల్ మీడియాలో హాట్ టాపిక్ గా మారాయి. నిజం విత్ స్మిత అనే టాక్ షోలో పాల్గొన్న చిరంజీవి తన తమ్ముడు పవన్ కళ్యాణ్ గురించి ఇప్పటివరకు ఎవరికీ తెలియని విషయాలను అభిమానులతో పంచుకున్నాడు. ఈ షో లో పవన్ కల్యాణ్.. ఓ పొలిటిషన్ లేదా యాక్టర్ గా రెండింటిలో మీకు ఏదంటే ఇష్టం? అని హోస్ట్ స్మిత అడగ్గా.. చిరంజీవి సమాధానం చెబుతూ పవన్ కల్యాణ్ సహజంగా..
తన నేచర్ ని బట్టి ఏదో ఓ రోజు కచ్చితంగా రాజకీయ నాయకుడిగా ఎదుగుతాడు. ఎందుకంటే చిన్నప్పటినుండి ప్రజలకు ఏదో చేయాలని తనకి కల. అయితే ఒకానొక టైంలో నక్సల్స్ లోకి వెళ్లిపోతాడేమోనని భయమేసింది. ఎందుకంటే.. తను గన్ లతో ఎక్కువగా ఆడుకునేవాడు. షూటింగ్స్ కోసం నేను సింగపూర్ వెళ్తే.. ‘అన్నయ్య అక్కడ గన్స్ దొరుకుతాయి తీసుకురా’ అనేవాడు. ఇక అందరికీ అభిమానులు ఉంటే పవన్ కళ్యాణ్ కి మాత్రం భక్తులు ఉన్నారు. కాబట్టి పవన్ నటుడిగా కన్నా రాజకీయ నాయకుడిగా ఉండాల్సిన అవసరం ఉంది.’ అని చిరంజీవి చెప్పుకొచ్చారు. దీంతో ఈ వ్యాఖ్యలు ప్రస్తుతం వైరల్ అవుతున్నాయి.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
Home