Chiranjeevi: చిరంజీవి 157వ సినిమా ఆయనతోనే.. ఇదిగో క్లారిటీ!

‘విశ్వంభర’ (Vishwambhara) సినిమా తర్వాత చిరంజీవి (Chiranjeevi) చేయబోయే సినిమా ఏంటి? అనే చర్చ చాలా రోజులుగా జరుగుతోది. ఇదిగో ఆ సినిమా, అదిగో ఈ సినిమా అంటూ ఏవేవో పేర్లు వినిపిస్తున్నా, ఎవరెవరో నేమ్స్‌ చర్చకు వస్తున్నా ఇంకా ఏదీ ఓకే అవ్వలేదు. అయితే అన్నీ అనుకున్నట్లుగా జరిగితే చిరంజీవితో ఇప్పటికే ఓ సినిమా చేసిన దర్శకుడే ఇప్పుడు చిరంజీవి 157వ సినిమా చేస్తారు అని అంటున్నారు. ఇది పక్కా అని చెబుతూ ఓ ఫొటో తెగ షేర్‌ చేస్తున్నాడు.

పవన్‌ కల్యాణ్ (Pawan Kalyan) ఇటీవల ఎమ్మెల్యేగా గెలిచి, ఇప్పుడు డిప్యూటీ సీఎం కూడా అయ్యారు. ఈ నేపథ్యంలో వివిధ భాషల ఇండస్ట్రీల నుండి ఆయనకు ప్రశంసల వర్షం కురుస్తోంది. బాగా పరిచయం ఉన్నవాళ్లు అయితే వచ్చి మరీ కలసి శుభాకాంక్షలు చెప్పి వెళ్తున్నారు. అలా వచ్చినవాళ్లలో ‘గాడ్‌ఫాదర్‌’ (God Father) దర్శకుడు మోహన్‌రాజా (Mohan Raja) కూడా ఉన్నారు. దీంతో ఆ ఫొటోను షేర్‌ చేస్తున్న ఫ్యాన్స్‌.. బాస్‌ నెక్స్ట్‌ సినిమా మోహన్‌రాజాతోనే అంటున్నారు.

పవన్‌కు విష్‌ చేసిన ఫొటో పట్టుకుని చిరంజీవి సినిమ ఎలా తేల్చేస్తారు అనే డౌట్‌ రావొచ్చు. ఈ ప్రశ్న మీరు వేస్తున్నారు అంటే ఆ ఫొటో చూడలేదు అని అర్థం. ఎందుకంటే ఆ ఫొటోలో చిరంజీవి కూడా ఉన్నారు కాబట్టి. మామూలుగా పవన్‌ కలవాలి అంటే మోహన్‌ రాజా ఒకరే వస్తే సరిపోతుంది. కానీ చిరంజీవితో కలసి వచ్చారు అంటేనే ప్రాజెక్ట్‌ ఆన్‌లో ఉంది అని చెప్పొచ్చు అనేది అభిమానుల మాట.

మరి చిరంజీవి ఇచ్చిన కథను మోహన్‌రాజా పూర్తి స్థాయిలో సిద్ధం చేస్తారా? సినిమా మొదలవుతుందా అనేది చూడాలి. బీవీఎస్‌ రవి రాసుకున్న కథను ఓకే చేసిన కథను మోహన్‌రాజాకు ఇచ్చి పూర్తి స్థాయిలో సిద్ధం చేయమని కోరినట్లు సమాచారం. చూద్దాం మరి చిరు నెక్స్ట్‌ ఆయనతోనేనా? కాదో. ఈ ప్రాజెక్టును పీపుల్‌ మీడియా ఫ్యాక్టరీ, గోల్డ్‌ బాక్స్‌ ఎంటర్‌టైన్మెంట్స్‌ కలసి నిర్మిస్తాయట.