స్టార్ హీరో చిరంజీవి ప్రస్తుతం మోహన్ రాజా డైరెక్షన్ లో తెరకెక్కుతున్న లూసిఫర్ రీమేక్ షూటింగ్ పనులతో బిజీగా ఉన్న సంగతి తెలిసిందే. ప్రస్తుతం ఈ సినిమా షూటింగ్ హైదరాబాద్ లోని అల్యూమినియం ఫ్యాక్టరీలో జరుగుతోంది. అధికారికంగా ప్రకటించకపోయినా లూసిఫర్ రీమేక్ టైటిల్ గాఢ్ ఫాదర్ అని సమాచారం. అయితే పవన్ నటిస్తున్న భీమ్లా నాయక్ షూటింగ్ కూడా అల్యూమినియం ఫ్యాక్టరీలో జరుగుతుండటంతో పవన్ కళ్యాణ్, చిరంజీవి కలిసి మాట్లాడుకున్నారు.
మెగాస్టార్ చిరంజీవి భీమ్లా నాయక్ సెట్ కు వెళ్లగా చిరంజీవి ఆ సమయంలో ఖైదీ డ్రెస్ లో ఉన్నారని పవన్ కళ్యాణ్ పోలీస్ గెటప్ లో ఉన్నారని సమాచారం. చిరంజీవి లూసిఫర్ రీమేక్ కు సంబంధించిన విశేషాలను పవన్ తో పంచుకున్నట్టు తెలుస్తోంది. ప్రస్తుతం లూసిఫర్ రీమేక్ కు సంబంధించి జైలు ఎపిసోడ్ షూటింగ్ జరుగుతున్న నేపథ్యంలో చిరంజీవి ఖైదీ డ్రెస్ లో ఉన్నారని బోగట్టా. అయితే గెటప్ రివీల్ కాకుండా ఉండాలనే ఉద్దేశంతో ఈ ఫోటోలను మీడియాకు విడుదల చేయలేదని తెలుస్తోంది.
చిరంజీవి, పవన్ ఇతర విషయాల గురించి కూడా కాసేపు ముచ్చటించుకున్నారని సమాచారం. పవన్ కళ్యాణ్ నటిస్తున్న భీమ్లానాయక్ మలయాళంలో బ్లాక్ బస్టర్ హిట్టైన అయ్యప్పనుమ్ కోషియమ్ రీమేక్ కాగా చిరంజీవి నటిస్తున్న గాడ్ ఫాదర్ కూడా మలయాళంలో హిట్టైన సినిమా రీమేక్ కావడం గమనార్హం. భీమ్లా నాయక్ లో పవన్ కు జోడీగా నిత్యామీనన్ నటిస్తుండగా లూసిఫర్ రీమేక్ లో ఏ హీరోయిన్ నటిస్తారో తెలియాల్సి ఉంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
