చిరంజీవి – రామ్‌చరణ్‌ కలసి ఓ సినిమా చేస్తే చూడాలని అభిమానులకు ఎప్పుడూ ఉంటుంది. గతంలో వారిద్దరూ తెరపై కనిపించినా.. మళ్లీ మళ్లీ కనిపించాలి అని కోరుకుంటుంటారు. అలా అనుకుంటున్న అభిమానుల కోసం మరోసారి ఇద్దరూ ఒకేసారి స్క్రీన్‌ కనిపించబోతున్నారని సమాచారం. అయితే ఈ క్రమంలో చిరంజీవి ముచ్చట కూడా తీరిపోతుంది అని చెబుతున్నారు. అదేంటి చిరు – చరణ్ కలసి కనిపించడం.. చిరంజీవి ముచ్చట తీరడం ఏంటి అనుకుంటున్నారా? ఈ విషయం తెలియాలంటే కాస్త రివైండ్‌ చేయాలి.
శంకర్‌ సినిమా కథలో చిరంజీవి ఇప్పటికే ఓసారి నటించారు. అదే ‘జెంటిల్‌మ్యాన్‌’ హిందీ వెర్షన్‌. మహేష్‌ భట్‌ దర్శకత్వంలో ఆ సినిమాను హిందీలోకి తెరకెక్కించారు. అయితే నేరుగా శంకర్‌ సినిమాలో చేద్దామని చిరంజీవి ఎప్పటి నుండో అనుకుంటున్నారు. కానీ కుదరడం లేదు. ఇప్పుడు చరణ్‌తో శంకర్‌ సినిమా చేస్తున్నారు. ఆ సినిమాలో చిరంజీవి కీలక పాత్రలో నటిస్తారని వార్తలొస్తున్నాయి. సినిమాలో ముఖ్యమైన సమయంలో ఆ పాత్ర వస్తుందని చెబుతున్నారు. రామ్‌చరణ్‌ సినిమాలో చిరంజీవి అంటే ‘మగధీర’తో మొదలైంది.
అందులో ‘బంగారు కోడిపెట్ట..’ పాట తర్వాత చిరంజీవి కాసేపు కనిపించి వావ్‌ అనిపించాడు. ఆ తర్వాత ‘బ్రూస్‌లీ’లో చిరంజీవి కోసమే ఓ ఫైట్‌ కూడా పెట్టారు. తొలి సినిమా హిట్‌ కొట్టగా, రెండో సినిమా ఫట్‌మంది. ‘ఖైదీ నెం 150’లో కనిపించినా అది చిరంజీవి సినిమా. అయితే ‘ఆచార్య’లో ఫుల్‌ ప్లెడ్జ్‌ క్యారెక్టర్‌ చేశారు. ఇప్పుడు మరోసారి శంకర్‌ సినిమాలో నటిస్తారని టాక్‌. అయితే ఈ సారి చిరంజీవి పాత్ర కృతకంగా కాకుండా… పాత్ర కోసం చిరంజీవి నటిస్తారని అంటున్నారు.
కైరా అడ్వాణీ కథానాయికగా నటిస్తున్న ఈ సినిమాను దిల్‌ రాజు నిర్మిస్తున్నారు. ఇందులో చరణ్ రెండు ర‌కాల గెట‌ప్పుల్లో క‌నిపించ‌నున్నాడని టాక్‌. ఇప్పటికే ఓ పాత్రకు సంబంధించిన షూటింగ్‌ పూర్తయిపోయింది. అందులో చరణ్ మీసం, గెడ్డం లేకుండా కనిపిస్తాడట. అయితే రెండో పాత్రలో గుబురు గడ్డం, పొడవాటి జుట్టుతో ఉంటాడట. ఆ లుక్‌ ఇటీవల బయటకు వచ్చిన విషయం తెలిసిందే. ఈ సినిమాను వచ్చే సమ్మర్‌లో రిలీజ్‌ చేస్తారని సమాచారం.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home