అప్పుడెప్పుడో త్రివిక్రమ్-చిరంజీవి-పవన్ కళ్యాణ్ ల క్రేజీ కాంబినేషన్ లో టి.సుబ్బిరామరెడ్డి ఒక సినిమా ఎనౌన్స్ చేసిన విషయం తెలిసిందే. సరిగా వర్కవుట్ అయితే బిగ్గెస్ట్ మల్టీస్టారర్ ఆఫ్ టి.ఎఫ్.ఐగా ఆ సినిమా నిలిచిపోయేదనుకోండి. అయితే.. పవన్ కళ్యాణ్ పోలిటికల్ ఎంట్రీతో ఆ కాంబినేషన్ ఆగిపోయినట్లేనని అనుకొన్నారందరూ. కానీ.. ఆ మాల్టీస్టారర్ ఆగింది తప్పితే.. త్రివిక్రమ్-చిరంజీవి కాంబినేషన్ ఆగలేదని నిన్న స్పష్టమైంది.
నిన్న జరిగిన “వినయ విధేయ రామ” ప్రీరిలీజ్ ఈవెంట్ లో స్వయంగా చిరంజీవి మాట్లాడుతూ.. “త్రివిక్రమ్ దర్శకత్వంలో.. దానయ్య నిర్మాణంలో ఒక సినిమా చేస్తున్నాను. ఈ ప్రొజెక్ట్ సెట్ చేసింది చరణ్” అని స్టేట్ మెంట్ ఇవ్వడంతో మెగా ఫ్యాన్స్ ఆనందానికి అవధులు లేకుండాపోయాయి. ఆల్రెడీ రైటర్ గా త్రివిక్రమ్ తో చిరంజీవి ఆల్రెడీ “జై చిరంజీవ” సినిమాకి వర్క్ చేశాడు. ఆ సినిమా ఫ్లాప్ అయ్యింది కానీ.. కొన్ని డైలాగ్స్ ఇప్పటికీ ఫేమస్సే. మళ్ళీ ఇన్నాళ్ల తర్వాత చిరంజీవి-త్రివిక్రమ్ కాంబినేషన్ సినిమా అంటే అంచనాలు మామూలుగా ఉంటాయా చెప్పండి. సో, త్రివిక్రమ్ ఆల్రెడీ కమిట్ అయిన బన్నీ సినిమాను పూర్తి చేసుకొని చిరంజీవి సినిమా మొదలెడతాడన్నమాట. ఈలోపు సైరా నరసింహారెడ్డి పూర్తైపోతుంది.
