Chor Bazaar Trailer: ఆకట్టుకుంటున్న పూరి కొడుకు ‘చోర్ బజార్’ మూవీ ట్రైలర్..!

‘మెహబూబా’ ‘రొమాంటిక్’ వంటి చిత్రాల తర్వాత ఆకాష్ పూరి హీరోగా నటిస్తున్న చిత్రం ‘చోర్ బజార్’. గెహన సిప్పీ
హీరోయిన్ గా నటిస్తున్న ఈ చిత్రానికి… ‘దళం’ ‘జార్జ్ రెడ్డి’ వంటి విజయవంతమైన చిత్రాలను తెరకెక్కించిన జీవన్ రెడ్డి దర్శకుడు. ‘ఐ.వి ప్రొడక్షన్స్’ బ్యానర్ పై వీ.ఎస్ రాజు ఈ చిత్రాన్ని నిర్మిస్తున్నారు. లవ్ అండ్ యాక్షన్ ఎంటర్ టైనర్ గా రూపొందిన ‘చోర్ బజార్’ చిత్రం త్వరలోనే థియేటర్లలో విడుదల కానుంది.

ఇదిలా ఉండగా.. ఈరోజు ఈ చిత్రం నుంచి ట్రైలర్ ను వదిలారు. నందమూరి బాలకృష్ణ ఈ ట్రైలర్ ను విడుదల చేశారు. విడుదలైన కొద్దిసేపటికే ఈ ట్రైలర్ వైరల్ గా మారింది. ‘చోర్ బజార్’ చిత్రంలో హీరో ఆకాష్ పూరి… బచ్చన్ సాబ్ అనే ఊర మాస్ క్యారెక్టర్ లో కనిపించబోతున్నాడు. అతని బాడీ లాంగ్వేజ్, ఆటిట్యూడ్ ప్రేక్షకులను ఆకర్షించే విధంగా ఉన్నాయి. ‘ఈ ప్రపంచంలో ప్రతి ఒక్కడికీ ఒక దూల ఉంటుంది.

నాకు చేతి దూల’ అంటూ ఆకాష్ చెప్పే డైలాగ్ మాస్ ఆడియన్స్ కు బాగా కనెక్ట్ అయ్యేలా ఉంది.2 నిమిషాల 7 సెకన్ల నిడివి గల ఈ ట్రైలర్ యూత్ ను, మాస్ ప్రేక్షకులను ఆకట్టుకునే విజువల్స్ తో నిండి ఉంది.హీరోయిన్ గెహన సిప్పీ ఈ చిత్రంలో మూగ అమ్మాయి పాత్ర పోషిస్తుంది.ఆమెకు కోపం వచ్చినప్పుడు సాయి పల్లవి డైలాగ్ ను ఫోన్లో పెట్టి ఆకతాయిలకు వినిపించే సీన్ ఆకట్టుకునే విధంగా ఉంది.

ఆమె లుక్స్ కూడా బాగున్నాయి. డైమండ్ మిస్సింగ్ ఎలిమెంట్ కాన్సెప్ట్ ను ఓ ప్రేమ కథకి లింక్ చేస్తూ దర్శకుడు జీవన్ రెడ్డి ఈ చిత్రాన్ని తీర్చిదిద్దినట్టు ట్రైలర్ క్లారిటీ ఇచ్చింది. సురేష్ బొబ్బిలి సంగీతం, జగదీష్ సినిమాటోగ్రఫీ ఆకట్టుకునే విధంగా కనిపిస్తున్నాయి. మీరు కూడా ట్రైలర్ ను ఓ లుక్కేయండి :

మేజర్ సినిమా రివ్యూ & రేటింగ్!

విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!