ఈ ఒక్క సీన్ తో ‘బ్రహ్మోత్సవం’ బ్లాక్ బస్టర్

టాలీవుడ్ ప్రిన్స్ మహేష్ బాబు శ్రీకాంత్ అడ్డాల దర్శకత్వంలో నటిస్తున్న కుటుంభ కధ చిత్రం “బ్రహ్మోత్సవం”. అయితే తాజాగా విడుదలయిన ఈ సినిమా ఆడియోతో అభిమానుల్లో ఈ సినిమాపై అంచనాలు మరింత పెంచాయి.  ఇదిలా ఉంటే ఇప్పటికే ఈసినిమాలోని మహేష్ లుక్ చాల కలర్ ఫుల్ గా కనిపిస్తున్న నేపధ్యంలో మహేష్ ను ఈ సినిమాలో ఇంత అందంగా చూపించిన ఈసినిమాటోగ్రాఫర్  రత్నవేలు ఈ సినిమాకు కీలకం అయిన ఇంటర్వెల్ సీన్ ను మీడియాకి లీక్ చేసేసాడు.

ఇంతకీ రత్నవేలు చెప్పిన ఆ సీన్ ఏంటి….అంటే…ఉదయ్ పూర్, హరిద్వార్, వారణాసి, ఊటీ వంటి అందమైన లొకేషన్స్ లో ఈసినిమా షూటింగ్ జరిపిన విషయాన్ని వివరిస్తూ ఈ ప్రదేశాలు “బ్రహ్మోత్సవం” సినిమాలో వీక్షించడానికి కన్నుల పండుగగా ఉంటాయని చెబుతూనే…హై కాంట్రాస్ట్ కలర్స్ వినియోగించే తన సహజ శైలికి విరుద్ధంగా ‘బ్రహ్మోత్సవం’ సినిమాకు పని చేసానని అంటూ ఈ సినిమాలో తాను చూపించిన కలర్ కాంబినేషన్ ఈసినిమాకు హైలెట్ గా మారుతుంది అని తెలిపాడు.

ఇక అసలు విషయం ఇంటర్వెల్ సీన్ గురించి మాట్లాడుతూ ఈ సీన్ అద్భుతం అని, అసలు ఈ సీన్ ఒక్కటి చాలు సినిమాకి అంటుంటే…ఈసీన్ లో  మహేష్ బాబు ప్రదర్శించిన అభినయంకు ప్రేక్షకులు ముగ్దులవుతారు అని చెప్పాడు. అదే క్రమంలో ఈ ఒక్క సీన్ తో ‘బ్రహ్మోత్సవం’ బ్లాక్ బస్టర్ హిట్ గా మారుతుంది అని అనడానికి ఏమాత్రం సందేహం లేదు అని తెలిపాడు. ఇక మరో పక్క ఈ సినిమా ఓపెనింగ్స్ లో సైతం రికార్డ్స్ సృష్టిస్తుంది అని అభిమానులు భారీ అంచనల్లో మునిగి తేలుతున్నారు. మరి ఈ సినిమా ఎలాంటి ఫలితాన్ని అందిస్తుందో చూడాలి.