బాలకృష్ణ హీరోగా గోపీచంద్ మలినేని డైరెక్షన్ లో తెరకెక్కిన వీరసింహారెడ్డి ఈ నెల 12వ తేదీన థియేటర్లలో విడుదల కానుంది. ఈ నెల 6వ తేదీన ఈ సినిమా నుంచి ట్రైలర్ రిలీజ్ కానుండగా ట్రైలర్ తోనే ఈ సినిమాపై భారీ స్థాయిలో అంచనాలు పెరగడం గ్యారంటీ అని ఈ సినిమాకు మ్యూజిక్ డైరెక్టర్ గా పని చేసిన థమన్ చెబుతుండటం గమనార్హం. థమన్ ఈ సినిమా ట్రైలర్ గురించి సోషల్ మీడియా వేదికగా స్పందిస్తూ షాకింగ్ కామెంట్లు చేశారు.
ఇప్పుడే వీరసింహారెడ్డి మూవీ ట్రైలర్ ను చూశానని జనవరి 6వ తేదీన ఫైర్.. ఫైర్.. ఫైర్.. జై బాలయ్య అంటూ థమన్ కామెంట్లు చేశారు. థమన్ చేసిన పోస్ట్ కు కొన్ని గంటల్లోనే 16000కు పైగా లైక్స్ వచ్చాయి. బాలయ్య థమన్ కాంబినేషన్ కు ఇండస్ట్రీలో మంచి పేరుంది. అఖండ సినిమా సక్సెస్ సాధించడంలో థమన్ పాత్ర ఎంతుందో ప్రత్యేకంగా చెప్పాల్సిన అవసరం లేదు. బాలయ్య కూడా థమన్ టాలెంట్ కు ఫిదా అయ్యారు.
వీరసింహారెడ్డి సినిమాతో థమన్ మరోసారి బాక్సాఫీస్ వద్ద మ్యాజిక్ రిపీట్ చేయాలని ఫ్యాన్స్ భావిస్తున్నారు. ఈ మధ్య కాలంలో బాలకృష్ణ డ్యూయల్ రోల్ లో నటించిన సినిమాలలో మెజారిటీ సినిమాలు సక్సెస్ ను సొంతం చేసుకోగా వీరసింహారెడ్డి సినిమా కూడా సక్సెస్ సాధిస్తుందని ఫ్యాన్స్ భావిస్తున్నారు. ఒంగోలులో ఈ సినిమా ప్రీ రిలీజ్ ఈవెంట్ గ్రాండ్ గా జరగనుందనే సంగతి తెలిసిందే.
వీరసింహారెడ్డి సినిమాలో బాలయ్యకు జోడీగా శృతి హాసన్, హనీ రోజ్ నటిస్తున్నారు. ఇప్పటికే ఈ సినిమా నుంచి విడుదలైన సాంగ్స్ హిట్ కాగా అతి త్వరలో ఈ సినిమా నుంచి మాస్ మొగుడు సాంగ్ రిలీజ్ కానుంది. వీరసింహారెడ్డి సినిమా రిలీజ్ తో థియేటర్ల కళకళలాడటం గ్యారంటీ అని కొంతమంది కామెంట్లు చేస్తున్నారు. ఈ సినిమా రిలీజ్ తోనే తమకు అసలైన సంక్రాంతి పండుగ మొదలవుతుందని కొంతమంది చెబుతున్నారు.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
