ఈ మధ్య స్టార్ హీరోల మధ్య ఉండే రిలేషన్ ఫ్యాన్స్ కి బాగా అర్థం అవుతుంది. సోషల్ మీడియా పుణ్యమా అని వారికి ఒక హీరో పట్ల మరో హీరోకి ఉండే అభిప్రాయం, గౌరవం స్పష్టంగా అవగతం అవుతుంది. టాలీవుడ్ లో ఫ్యాన్ వార్స్ బాగా తగ్గిపోయాయి. గతంలో ఒక హీరోకి మరొక హీరో శత్రువనే భావనలో ఫ్యాన్స్ ఉండే వారు. ఇక స్టార్స్ సైతం ఇమేజ్ క్యాలిక్యులేషన్స్, స్క్రీన్ స్పేస్ వంటి విషయాలు మరియు ఫ్యాన్స్ అభిప్రాయాలు పరిగణలోనికి తీసుకొని మల్టీస్టారర్ లు చేసేవారు కాదు.
కాలం మారడంతో ఫ్యాన్స్ మరియు హీరోలుగా కూడా అప్డేట్ అయ్యారు. నందమూరి హీరో ఎన్టీఆర్, మెగా హీరో చరణ్ కలిసి మల్టీస్టారర్ చేస్తారు అని ఎవరూ ఉహించి ఉండరు. కానీ అది ఆర్ ఆర్ ఆర్ మూవీతో సాధ్యం అయ్యింది. కాగా టాలీవుడ్ లో మరో క్రేజీ కాంబినేషన్ ఉంది, అది మహేష్ అండ్ పవన్ కళ్యాణ్. దాదాపు ఒకే రేంజ్ ఫ్యాన్ ఫాలోయింగ్, ఇమేజ్ కలిగిన ఈ ఇద్దరు కలిసి ఓ మల్టీ స్టారర్ చేస్తే చూడాలని మూవీ లవర్స్ ఎప్పటి నుండో ఎదురుచూస్తున్నారు.
2018లో పవన్ సినిమాలకు టాటా చెప్పడంతో ఇది ఇక జరగని పని అనుకున్నారు. ఐతే పవన్ తాజాగా రీ ఎంట్రీ ఇవ్వగా ఆశలు చిగురించాయి. దానికి తోడు మహేష్ మెగాస్టార్ ఫ్యామిలీ కి బాగా దగ్గరయ్యాడు. ఆయన సరిలేరు నీకెవ్వరు ప్రీ రిలీజ్ వేడుకకు చిరంజీవి అతిథిగా వచ్చి సందడి చేశారు. ఇక ఆయన కొడుకు చరణ్ మహేష్ కి మంచి మిత్రుడిగా ఉన్నాడు. కాబట్టి మంచి సబ్జెక్టు తో వీరిద్దరిని కన్విన్స్ చేసి, మూవీ తెరకెక్కించడం పెద్ద సమస్యేమీ కాదనే వాదన వినిపిస్తుంది.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
Home