Pushpa Movie: బన్నీకి షాకిచ్చిన సైబరాబాద్ పోలీసులు!

December 18, 2021 / 05:20 PM ISTByFilmy Focus

Join Us

Pushpa Movie: బన్నీకి షాకిచ్చిన సైబరాబాద్ పోలీసులు!

ఏపీ, తెలంగాణ రాష్ట్రాలలో పుష్పరాజ్ మ్యానియా కొనసాగుతోంది. తెలుగు రాష్ట్రాల్లో మరో మూడు రోజుల వరకు పుష్ప సినిమాకు టికెట్లు దొరకడం కష్టమేనని తెలుస్తోంది. అల వైకుంఠపురములో స్థాయి హిట్ కాకపోయినా కలెక్షన్లపరంగా పుష్ప మూవీకి ఢోకా లేదని తెలుస్తోంది. తెలుగు రాష్ట్రాల్లో పుష్ప రిలీజ్ తో థియేటర్లు కళకళలాడుతున్నాయి. సెలబ్రిటీలు సైతం పుష్ప మూవీ గురించి పాజిటివ్ గా స్పందిస్తున్నారు. అయితే సైబరాబాద్ ట్రాఫిక్ పోలీసులు సైతం పుష్ప పోస్టర్ ను వాడుకుంటూ పెట్టిన పోస్ట్ నెట్టింట వైరల్ అవుతోంది.

సైబరాబాద్ పోలీసులు ఎప్పటికప్పుడు సోషల్ మీడియా ద్వారా వాహనదారులకు రోడ్డు ప్రమాదాల గురించి అవగాహన కల్పిస్తూ ఉంటారు. పుష్ప ట్రైలర్ లో పార్టీ లేదా పుష్పా అనే డైలాగ్ వైరల్ కాగా పోలీసులు హెల్మెట్ లేదా? మిర్రర్స్ లేవా? అని పోస్ట్ పెట్టారు. పుష్ప మేకర్స్ సైబరాబాద్ పోలీసుల పోస్ట్ గురించి ఎలా స్పందిస్తారో చూడాల్సి ఉంది. సినిమా సెలబ్రిటీలకు ప్రేక్షకులలో ఉన్న క్రేజ్ ను దృష్టిలో ఉంచుకుని పోలీసులు సోషల్ మీడియా పోస్టుల విషయంలో సెలబ్రిటీల సినిమా పోస్టర్లను వాడుకుంటున్నారు.

ఈ పోస్టర్ల ద్వారా ఆయా సెలబ్రిటీల అభిమానులలో పోలీసులు ట్రాఫిక్ రూల్స్ పై అవగాహన వచ్చేలా చేస్తున్నారు. ప్రేక్షకుల దారిలోనే వెళ్లి రూల్స్ పాటించని వాహనదారులు సరైన మార్గంలో పయనించేలా పోలీసులు చర్యలు చేపడుతున్నారు. ప్రపంచవ్యాప్తంగా పుష్ప తొలిరోజు ఏ స్థాయిలో కలెక్షన్లు సాధిస్తుందో చూడాల్సి ఉంది. పుష్ప ది రైజ్ బన్నీ తొలి పాన్ ఇండియా మూవీ కావడంతో బన్నీ ఫ్యాన్స్ తో పాటు ఇతర హీరోల ఫ్యాన్స్ సైతం ఈ సినిమా కలెక్షన్ల కోసం ఆసక్తిగా ఎదురు చూస్తున్నారు.

వీకెండ్ తర్వాత పుష్ప రిజల్ట్ పై పూర్తిస్థాయిలో స్పష్టత వచ్చే ఛాన్స్ ఉంది. పుష్ప పార్ట్2 షూటింగ్ 2022 సంవత్సరం ఫిబ్రవరి నుంచి మొదలుకానుందని సమాచారం. పుష్ప పార్ట్2ను వేగంగా పూర్తి చేయాలని సుకుమార్ భావిస్తున్నారు.

Wear Helmet & Fix Rearview Mirrors. Be Safe.#RoadSafety #RoadSafetyCyberabad #Pushpa #PushpaRaj pic.twitter.com/USlupBLHIR

— CYBERABAD TRAFFIC POLICE సైబరాబాద్ ట్రాఫిక్ పోలీస్ (@CYBTRAFFIC) December 17, 2021