David Warner: ఆర్ఆర్ఆర్ పై మనసు పారేసుకున్న వార్నర్ మామ!

ఆస్ట్రేలియన్ క్రికెటర్ డేవిడ్ వార్నర్ తెలుగు వాళ్ళని ఎంత ఇష్టపడతాడో స్పెషల్ గా చెప్పనవసరం లేదు. ఐపీఎల్ సన్ రైజర్స్ టింకు ప్రాతినిధ్యం వహిస్తున్న ఈ స్టార్ బ్యాట్స్ మెన్ ఆటకంటే కూడా అభిమానంతో జనాలకు చాలా దగ్గరయ్యాడు. తెలుగువారికి సంబంధించిన ఎలాంటి విషయాల్లో అయినా సరే తనదైన శైలిలో స్పందిస్తూ అభిమానుల సంఖ్యను మరింత పెంచుకున్నాడు. ఇక సినిమాలకు సంబంధించిన అనేక రకాల టిక్ టాక్ వీడియోలతో గతంలో మంచి ఎంటర్టైన్మెంట్ ను అందించాడు.

ఎలాంటి టాప్ సినిమాలు వచ్చినా కూడా వాటికి తగ్గట్టు గా జనాలను ఆకట్టుకునే విధంగా అడుగులు వేస్తున్నాడు. ఇక ప్రస్తుతం బిగ్గెస్ట్ పాన్ ఇండియా మూవీ ‘ఆర్‌ఆర్‌ఆర్‌’ ఏ రేంజ్ లో వైరల్ అవుతుందో స్పెషల్ గా చెప్పనవసరం లేదు. ఇక వార్నర్ మామ దానిపైన కూడా మనసు పారేసుకున్నాడు. ‘ఆర్‌ఆర్‌ఆర్‌’ సినిమాకు సంబంధించిన స్పెషల్ దోస్తీ పోస్టర్ ను తన ఇన్స్టాగ్రామ్ పోస్ట్ చేసి సూపర్ అంటూ కామెంట్ చేశాడు.

డేవిడ్ వార్నర్ కు దోస్తీ సాంగ్ బాగానే వచ్చేసినట్టు ఉందని నెటిజన్లు కామెంట్ చేస్తున్నారు. చూస్తుంటే వార్నర్ ఈ సినిమాపై కూడా వీడియోలు చేసేలా ఉన్నట్లు అర్థమవుతోంది. ఇక రాజమౌళి దర్శకత్వంలో తెరకెక్కుతున్న ‘ఆర్‌ఆర్‌ఆర్‌’ సినిమా ఈ ఏడాది అక్టోబర్ 13న విడుదల కానున్న విషయం తెలిసిందే.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!