హీరోయిన్ డింపుల్ హయాతి పై తాజాగా క్రిమినల్ కేసు నమోదైన సంగతి తెలిసిందే. జూబ్లీహిల్స్ లో ఉన్న జర్నలిస్ట్ కాలనీలోని ఓ అపార్ట్మెంట్లో ఆమె ఉంటుంది. అదే అపార్ట్మెంట్లో ట్రాఫిక్ డీసీపీ రాహుల్ కూడా ఉంటున్నారు.అయితే అపార్ట్మెంట్లో రాహుల్ పార్క్ చేసిన కారును .. డింపుల్ ఫ్రెండ్ డేవిడ్ ఢీ కొట్టారు. ఈ నేపథ్యంలో రాహుల్ అలాగే అతని డ్రైవర్ లతో డింపుల్, డేవిడ్ లు గొడవకి దిగారు అని ఆరోపిస్తూ జూబ్లీ హిల్స్ పోలీస్ స్టేషన్ లో డింపుల్, డేవిడ్ ల పై క్రిమినల్ కేసు నమోదు చేయడం జరిగింది.
ఈ టాపిక్ వైరల్ అవ్వడంతో… డింపుల్ అధికారాన్ని అడ్డం పెట్టుకుంది తనని ఇబ్బంది పెడుతున్నారు అన్నట్టు కామెంట్లు చేసింది. ఆమె వ్యాఖ్యలపై డీసీపీ రాహుల్ స్పందించారు. డీసీపీ రాహుల్ ఈ విషయంపై స్పందిస్తూ.. “నేను , డింపుల్ హయాతి జూబ్లీహిల్స్లో ఒకే అపార్ట్మెంట్లో ఉంటున్నాము. ఒక రోజు ఆమె నా కారుకు అడ్డంగా తన కారును పెట్టింది. కావాలని అడ్డంగా పెట్టి వెళ్లిన సందర్భాలు ఉన్నాయి.
ఒకసారి డ్యూటీ విషయమై అత్యవసరంగా బయటకు వెళ్లాల్సి ఉండడంతో నేను పర్సనల్ గా వెళ్లి కారును తీయాల్సిందిగా రిక్వెస్ట్ చేశాను. ఆమె దానికి అంగీకరించలేదు. తర్వాత డ్రైవర్ నా కార్ పార్క్ చేస్తుంటే.. ఆమె చాలా రచ్చ చేసింది. తన కారుతో ఢీకొట్టి, కాళ్లతో నా కారుని తన్నింది. డింపుల్ ప్రవర్తన అభ్యంతరకరంగా ఉంది. అందుకే డ్రైవర్ బంజారాహిల్స్ పోలీసులకు కంప్లైంట్ ఇవ్వడం జరిగింది.
అలాగే ఈ వ్యవహారానికి సంబంధించి (Dimple Hayathi) డింపుల్ చేసిన ట్వీట్ కూడా అభ్యంతరకరంగానే ఉంది. నేను ఎక్కడా కూడా తప్పు చేయలేదు. నిజాలు నిలకడగా తెలుస్తాయి. డింపుల్, డేవిడ్ ఇద్దరిపై కూడా కంప్లైంట్ ఇవ్వడం జరిగింది” అంటూ చెప్పుకొచ్చారు.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
