సినిమాలకు స్టార్‌ హీరోయిన్‌ బ్రేక్‌… కారణం ఇదే!

స్టార్‌ సినిమాలకు బ్రేక్‌ ఇస్తోందా? లేక సినిమా ఫలితాల విషయంలో ఇబ్బంది ఏమన్నా పడిందా? ఇప్పుడు బాలీవుడ్‌లో ఇదే చర్చ జరుగుతోంది. దానికి కారణం ఆమె సోషల్‌ మీడియాలో చేసిన ఓ పోస్ట్‌. ‘‘మనం ఏం చేస్తున్నామో గమనించుకోవాలి. ఒక్కోసారి విజయానికి నిర్వచనాన్ని మార్చాల్సి రావొచ్చు. మన తర్వాత వచ్చే తరానికి సైతం ఉపయోగపడేలా మనం నిర్ణయాలు తీసుకోవాలి’’ అని ఓ పోస్ట్‌ చేసింది దీపికా పడుకొణె (Deepika Padukone). దీంతో ఆమె అసలు ఏం చెప్పింది అని కొందరు, మరికొందరేమో ఏదో క్యాజువల్‌ కోట్‌ అని అంటున్నారు.

ఇప్పుడు ఆమె సినిమాలకు బ్రేక్‌ ఎందుకు తీసుకుంటుంది? తీసుకుంటే ఏమవుతుంది అనేది టాలీవుడ్‌కి చాలా కీలకం అని చెప్పాలి. ఎందుకంటే ఆమె ప్రధానపాత్రలో నటించిన ‘కల్కి 2898 ఏడీ’ (Kalki) సినిమా విడుదలకు సమయం దగ్గరపడుతోంది. ఆ సినిమా ప్రచారానికి ఆమె రాకపోతే ఏదో వెలితిగా ఉంటుంది. మరో హీరోయిన్‌ దిశా పటానీ ఉంది కానీ… దీపిక వస్తే ఆ బజ్‌ వేరు అని చెప్పాలి. దీంతో దీపిక సినిమాలకు విరామం తీసుకుంటుందా అనే చర్చ జోరందుకుంది.

దీపిక రాసిన కొటేషన్లన వెనుక ఉద్దేశం ఏంటి అనేది ఇప్పుడు ప్రభాస్‌ (Prabhas) అభిమానులు ఆలోచిస్తున్నారు. కథానాయికగా భవిష్యత్తు ప్రణాళికల గురించే ఆమె అలా రాసింది అంటున్నారు. తన జీవితంలో ముఖ్యమైన క్షణాలను ఆస్వాదించడం కోసం దీపిక విరామం తీసుకుంటోంది అని అంటున్నారు. ఎందుకంటే ఇప్పుడు ఆమె గర్భవతి. తనను ఇంట్లో సెలబ్రిటీగా ఎవరూ చూడరని, సగటు అమ్మాయిగా, సోదరిగా, కూతురిగానే చూస్తారని గతంలో దీపిక చాలా సార్లు చెప్పింది.

ఆ లెక్కన బిడ్డ దగ్గర కూడా తాను ఓ సాధారణ తల్లిలా కనిపించే ప్రయత్నం చేస్తోందా అనే డౌట్‌ మొదలైంది. అంటే పుట్టే పాప లేదా బాబుకు ఓ వయసు వచ్చేంతవరకు దీపిక సినిమాలకు దూరంగా ఉంటుందా అనే డౌట్‌ వస్తోంది. మా పిల్లల్ని సెలబ్రిటీ స్టేటస్‌తో సంబంధం లేకుండా సాధారణంగానే పెంచాలనుకుంటున్నాం అని ఆ మధ్య దీపిక అంది.

సైలెంట్ గా పెళ్లి పీటలెక్కిన ‘బిగిల్’ నటి ఇంద్రజ..!

కర్ణాటకలో సినిమాలు బ్యాన్‌ అంటున్నారు… మన దగ్గరా అదే చేస్తారా?
ఈ వారం థియేటర్/ ఓటీటీల్లో రిలీజ్ కాబోతున్న 18 సినిమాలు/ సిరీస్..ల లిస్ట్