మొన్నీమధ్య వరకు ‘కల్కి 2898 ఏడీ’ (Kalki 2898 AD) సినిమా కాస్టింగ్‌ గురించి మాట్లాడుకునేటప్పుడు ప్రభాస్ (Prabhas) , దీపికా పడుకొణె (Deepika Padukone) , దిశా పటానీ (Disha Patani), అమితాబ్‌ బచ్చన్‌(Amitabh Bachchan), కమల్‌ హాసన్‌ (Kamal Haasan) పేర్లు చర్చకు వచ్చేవి. ఇప్పుడు ఆ సినిమాలో నటించకపోయినా కీర్తి సురేశ్‌ (Keerthy Suresh) పేరు కూడా చర్చలోకి వస్తోంది. దానికి కారణం ఆమె గొంతే. బుజ్జిగా ఆమె టీజర్‌లో ఆమె చేసిన అల్లరి, సందడి తక్కువ కాదు. పైన చెప్పిన పేర్లలో అందరూ ఇప్పుడు ప్రచారానికి వస్తారా? అనేది లేటెస్ట్‌ న్యూస్‌.
దేశంలోనే అత్యధిక బడ్జెట్‌తో రూపొందుతున్న సినిమా అంటే ఇప్పుడు ‘కల్కి 2898 ఏడీ’నే. ఈ సినిమా విడుదలకు ఇంకా నెల రోజులే ఉంది. అయితే జూన్‌ 4 తర్వాత కానీ టీమ్‌ ప్రచారం ఫుల్‌ స్పీడ్‌లో చేసే పరిస్థితి లేదు అంటున్నారు. సార్వత్రిక ఎన్నికల ఫలితాల తర్వాతే బుజ్జి, బుజ్జిగాడు ప్రచారం కోసం బయటకు వస్తారట. అయితే మరి ఆ ప్రచారంలో దీపిక పడుకొణె కనిపిస్తుందా? ఇప్పుడు ఇదే చర్చ జరుగుతోంది.
ఎందుకంటే ‘కల్కి’ సినిమాను సౌత్‌లో ప్రచారం చేయాలంటే ప్రభాస్ కటౌట్‌ ఒకటి సరిపోతుంది. అదే బాలీవుడ్‌లో ప్రచారం చేయాలన్నా, పాన్‌ వరల్ట్‌ ఫీవర్‌ పుట్టించాలన్నా దీపిక పడుకొణె ఉండాల్సిదే. గ్లోబల్‌ స్టార్ ఇమేజ్‌ ఆమెకు ఉండటమే దీని వెనుక కారణం. కానీ ఆమె ప్రచారానికి వస్తుందా అనేది తెలియడం లేదు. ఇప్పుడు ఆమె గర్భవతి అని టాక్‌. ఇటీవల ఆమె బయటకు వచ్చినప్పుడు బేబీ బంప్‌ కనిపించింది.
దీంతో ఈ సమయంలో ఆమె ప్రచారం కోసం ఇండియా టూర్‌ చేస్తుందా అనేది తెలియడం లేదు. దీంతో మరో హీరోయిన్‌ దిశా పటానీతోనే ప్రచారానికి గ్లామర్‌ యాడ్‌ చేయాలని టీమ్‌ అనుకుంటుందోట. సౌత్‌ విషయంలో కీర్తి సురేశ్‌ను కూడా గ్లామర్‌ యాడింగ్‌గా వాడుకుంటారు అని అంటున్నారు. మరి నాగ్‌ అశ్విన్‌ (Nag Ashwin) అండ్‌ కో. ఎలాంటి ఆలోచనలు చేస్తుందో చూడాలి. తమిళనాట కమల్‌ హాసన్‌, బాలీవుడ్‌కి అమితాబ్‌ కూడా ఉన్నారనే విషయం మరచిపోకూడదు.
Home