Sitara, Mahesh Babu: మహేష్ జుట్టు గురించి సితార కామెంట్స్.. వీడియో వైరల్!

ఇటీవల మహేష్ బాబు (Mahesh Babu) ఓ ఫ్యామిలీ ఫంక్షన్ కి హాజరయ్యాడు. అక్కడ తన ఫ్యామిలీతో ముచ్చటిస్తున్న టైంలో.. అతని చిన్నక్క మంజుల (Manjula Ghattamaneni) … మహేష్ జుట్టుపై చెయ్యి వేసింది. అప్పుడు మహేష్ వెనక్కి వెళ్లి నవ్వుతూ ఏదో కామెంట్ చేశాడు. దానికి అక్కడున్న వాళ్లంతా ఒక్కసారిగా నవ్వుకున్నారు. దీనికి సంబంధించిన వీడియో సోషల్ మీడియాలో బాగా వైరల్ అయ్యింది. అదే టైంలో కొంతమంది ట్రోల్ చేయడం కూడా జరిగింది. ఎందుకంటే మహేష్ జుట్టుపై రకరకాల కామెంట్లు వినిపిస్తూ ఉంటాయి.

‘మహేష్ విగ్గు వాడతాడని.. అందుకే ఊడిపోతుందేమో అనే భయంతో వెనక్కి వెళ్ళాడు’ అంటూ కొంతమంది నెగిటివ్ కామెంట్స్ చేశారు. మహేష్ జుట్టుపై తరచూ ఇలాంటి నెగిటివ్ కామెంట్స్ వినిపిస్తూనే ఉంటాయి. అయితే ఈ కామెంట్స్ పై తాజాగా మహేష్ కూతురు సితార స్పందించింది. ఇటీవల కొంతమంది ఇన్ఫ్లుయెన్సర్స్ తో ముచ్చటించిన సితారకి.. ఆ వీడియో గురించి ప్రశ్న ఎదురైంది. ఇందుకు ఆమె స్పందిస్తూ.. ‘మా అత్త నాన్న జుట్టుని టచ్ చేశారు.

మా నాన్న వెంటనే ‘డోంట్ టచ్ మై హెయిర్’ అన్నారు. మా నాన్నకి తన జుట్టు పై చెయ్యి వేస్తే నచ్చదు. ఎందుకంటే అతనికి మంచి హెయిర్ ఉంటుంది కాబట్టి’ అంటూ సమాధానం ఇచ్చింది. ఇప్పుడు ఈ వీడియో పై కూడా ట్రోల్స్ వస్తున్నాయి. ‘సితార సమాధానం ఇచ్చిన తీరు కూడా వేరుగా ఉందని’ కొందరు నెగిటివ్ కామెంట్స్ చేస్తున్నారు. దీంతో ఈ వీడియో కూడా ఇప్పుడు హాట్ టాపిక్ అయ్యింది.