సినిమాల పై వచ్చింది అంతే… కానీ…!

March 27, 2020 / 01:09 PM ISTByFilmy Focus

Join Us

నటి మాధవీలత గురించి ప్రత్యేక పరిచయం అవసరం లేదు. ఈమె నటిగా కంటే.. రాజకీయ నాయకురాలిగానే ఎక్కువ ఫేమస్ అయ్యింది. ఏ విషయాన్ని అయినా ముక్కు సూటిగా మొహమాటం లేకుండా … చెప్పే ఈ బ్యూటీని అందరూ ఫైర్ బ్రాండ్ అంటుంటారు. గత ఏడాది ఆంద్రప్రదేశ్ ఎన్నికల్లో పోటీ చేసిన ఈ బ్యూటీ ఘోర పరాజయాన్ని చవి చూసింది. ఇక ఈమె సోషల్ మీడియాలో ఎక్కువగా యాక్టివ్ గా ఉంటుంది.

పొరపాటున ఏ నెటిజన్ అయినా ఈమె పై నెగిటివ్ కామెంట్ చేస్తే … డైరెక్ట్ గా అది కూడా ఘాటుగా సమాధానం ఇస్తుంది. ఇక ఈమెకు పవన్ కళ్యాణ్ అంటే చాలా ఇష్టం. ఒకవేళ పవన్ తన జనసేన పార్టీలోకి ఆహ్వానిస్తే వెళతారా… అని ఈమెను అడిగితే… ‘ఇప్పుడు జనసేన కూడా బిజేపీ లోనే ఉంది కాబట్టి.. ఆయన అలా అడగరు’ అంటూ తెలివిగా సమాధానం ఇచ్చింది.ఇక సినిమాల నుండీ రాజకీయాల్లోకి వచ్చారు కదా… ఎంత సంపాదించారు? అని అడిగిన ప్రశ్నకు…’నాకు సొంత ఇల్లు కూడా లేదు అంటే… నాకు ఎంత ఆస్తి ఉంటుందో మీరే అర్థం చేసుకోవచ్చు.

Details of Madhavi Latha Assets1

నాకు సినిమాల నుండీ సంపాదించిన డబ్బు కంటే… షాపింగ్ మాల్స్ ఓపెనింగ్స్ కు వెళ్ళినప్పుడు వచ్చిన డబ్బే ఎక్కువ. నేను సినిమాల్లో ఉన్నప్పుడు పెద్ద సినిమాల్లో ఆఫర్ వస్తే .. వేరే సినిమాలు చెయ్యడం వల్ల రిజెక్ట్ చేసేదాన్ని. అల్లు అర్జున్ ‘వరుడు’ సినిమాలో నాకు ఛాన్స్ వచ్చింది.కానీ అప్పుడు వేరే సినిమా చేస్తున్నాను అని చెప్పి రిజెక్ట్ చేశాను. పెద్ద సినిమాలో అవకాశం వచ్చినప్పుడు డేట్స్ అడ్జస్ట్ చేసుకోవాలి అనే కామన్ సెన్స్ కూడా నాకు లేదు” అంటూ చెప్పుకొచ్చింది.