తెలుగు సినిమా ఇండస్ట్రీలో సంగీత దర్శకుడిగా ఎంత పేరు ప్రఖ్యాతలు సంపాదించుకున్న దేవిశ్రీప్రసాద్ ప్రస్తుతం వరుస సినిమా అవకాశాలను అందుకుంటూ ఎంతో బిజీగా ఉన్నారు. ఇక సుకుమార్ అల్లు అర్జున్ కాంబినేషన్లో వచ్చిన పుష్ప సినిమా ద్వారా ఈయన పాన్ ఇండియా స్థాయిలో మ్యూజిక్ డైరెక్టర్గా ఎంతో మంచి పేరు సంపాదించుకున్నారు. ప్రస్తుతం దేవిశ్రీప్రసాద్ పుష్ప 2 సినిమా షూటింగ్ పనులలో బిజీగా ఉన్నారు. ఇలా సంగీత దర్శకుడిగా ఎంతో పేరు ప్రఖ్యాతలు సంపాదించుకోవడమే కాకుండా ఎన్నో అవార్డులను రివార్డులను కైవసం చేసుకున్న దేవిశ్రీప్రసాద్ తాజాగా మరో అరుదైన గౌరవాన్ని అందుకున్నారు.
ప్రతిష్టాత్మకమైన లెజెండరీ ఇంటర్నేషనల్ మ్యూజిక్ మ్యాగజైన్ రోలింగ్ స్టోన్ కవర్ పేజీ పై దేవిశ్రీ ప్రసాద్ చోటు సంపాదించుకున్నారు. ఇక ఇదే విషయాన్ని ప్రముఖ మ్యాగజైన్ రోలింగ్ స్టోన్ అధికారకంగా వెల్లడించారు. ఈ క్రమంలోనే ట్విట్టర్ వేదికగా ఈ విషయాన్ని తెలియజేస్తూ….తన మ్యూజిక్ స్టైల్ తో, చార్ట్ బస్టర్ హిట్స్ తో ప్రపంచవ్యాప్తంగా కోట్లాదిమంది అభిమానులను సంపాదించుకున్న దేవి శ్రీ ప్రసాద్.. ఈ నెల మా మ్యాగజైన్ పేజీని కవర్ చేశారు అంటూ కవర్ పేజీ ని పోస్ట్ చేశారు.
ప్రస్తుతం ఈ పోస్ట్ సోషల్ మీడియాలో వైరల్ గా మారింది. ఇక ఈ విషయంపై (Devi Sri Prasad) దేవి శ్రీ ప్రసాద్ స్పందిస్తూ రోలింగ్ స్టోన్ మ్యాగజైన్ కి కృతజ్ఞతలు తెలియజేశారు. దేవి సినిమాల విషయానికొస్తే తాజాగా మెగాస్టార్ చిరంజీవి నటించిన వాల్తేరు వీరయ్య సినిమా ద్వారా ఎంతో మంచి సక్సెస్ అందుకున్నటువంటి దేవి శ్రీ ప్రసాద్ ప్రస్తుతం పుష్ప 2 సినిమా పనులలో బిజీగా ఉన్నారు. పుష్ప సినిమా ద్వారా అద్భుతమైన హిట్ సాంగ్స్ అందించిన దేవి ఈ సినిమా సీక్వెల్ చిత్రానికి ఎలాంటి బాణీలను సమకూరుస్తున్నారో తెలియాల్సి ఉంది.
విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?
శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?
