క్రియేటివ్ డిఫరెన్సెస్ తో రామ్ సినిమా నుంచి తప్పుకున్న దేవి!

“క్వీన్” సినిమా నుంచి నీలకంఠ, “ఎన్టీఆర్” బయోపిక్ నుంచి తేజ తప్పుకొన్న తర్వాత ఈ వాకౌట్ లు ఈమధ్య కాస్త ఎక్కువగా మొదలయ్యాయి అనిపించింది. ఈ తరహాలోనే రామ్ హీరోగా త్రినాధరావు నక్కిన దర్శకత్వంలో తెరకెక్కుతున్న “హలో గురు ప్రేమ కోసమే” చిత్రం నుంచి సంగీత దర్శకుడు దేవిశ్రీప్రసాద్ వాకౌట్ చేశాడని టాక్. నిర్మాత దిల్ రాజుతో వచ్చిన క్రియేటివ్ డిఫరెన్సెస్ కారణంగా దేవి ఈ సినిమా నుంచి తప్పుకొన్నాడట. దేవిశ్రీప్రసాద్ స్థానంలో తమన్ వచ్చాడని సమాచారం.

దిల్ రాజు బ్యానర్ లో గతేడాది సూపర్ హిట్స్ గా నిలిచిన “దువ్వాడ జగన్నాధం, నేను లోకల్, మిడిల్ క్లాస్ అబ్బాయి” చిత్రాలకు దేవిశ్రీప్రసాద్ సంగీతం అందించగా.. ఆ బ్యానర్ నుంచి విడుదలైన “తొలిప్రేమ” సినిమాకి తమన్ సంగీతం అందించి ఉండడం గమనార్హం. రామ్ కెరీర్ లో బిగ్గెస్ట్ హిట్ గా నిలిచిన “నేను శైలజ” చిత్రానికి కూడా దేవిశ్రీప్రసాద్ సంగీతం అందించి ఉండడం విశేషం.

అలాంటి మంచి రిలేషన్ ఉన్న దేవిశ్రీప్రసాద్-రామ్-దిల్ రాజు కాంబినేషన్ నుంచి దేవి తప్పుకోవడానికి క్రియేటివ్ డిఫరెన్సస్ మాత్రమే కారణమా లేక మరొకటి ఏదైనా ఉందా అనేది తెలియాలి.