హీరోల యందు ధనుష్‌ వేరయా! ఏంటీ ప్రతి హీరోకూ ఇలానే చెబుతారా అని అనొచ్చు. అయితే ‘అందరూ హీరోలు ధనుష్‌లా ఉండరు’ అనే మాట ఓకే చేసుకోండి. ఎందుకంటే నార్మల్‌ సినిమా ఫస్ట్ లుక్ అంటేనే ఆ హీరో తప్ప ఇంకెవరూ కనిపించని హీరోలు ఉన్న రోజులివి. అందులోనూ మైల్‌ స్టోన్‌ సినిమా అయితే ఇంకాస్త బలంగా చూసుకుని కేవలం అతను మాత్రమే కనిపించాలా లుక్ డిజైన్‌ చేస్తారు. కానీ ధనుష్‌ అలా కాదు… ఆయన మార్క్‌ను మరోసారి చూపించారు.
సాధారణంగా ఓ సినిమా నుంచి ఫస్ట్ లుక్ వస్తోందంటే ఎలా ఉంటుందో ఊహించుకోవచ్చు. హీరో ఫొటో మాత్రమే కనిపించేలా ఆ లుక్ సిద్ధం చేస్తారు. కథ, కాన్సెప్ట్‌ లాంటివి చెప్పే ప్రయత్నం చేయకుండా కేవలం హీరో లుక్‌ను మాత్రమే రివీల్‌ చేస్తారు. కానీ ధనుష్‌ తన 50వ సినిమా కోసం రిలీజ్‌ చేసిన లుక్‌లో మొత్తం ముగ్గురు నటులు కనిపిస్తున్నారు. అలా అని అదేమైనా మల్టీస్టారరా అంటే అదీ కాదు. మిగిలిన ఇద్దరు కీలక పాత్రధారులు అంతే. కెరీర్‌లో 50వ సినిమాగా ధనుష్‌ ‘రాయన్‌’ చేస్తున్నాడు.
స్వీయ దర్శకత్వంలో ధనుష్‌ ఈ సినిమా చేస్తునన్నాడు. ఈ విషయాన్ని తెలియజేస్తూ రిలీజ్‌ చేసిన పోస్టర్‌లో ధనుష్‌తో పాటు, సందీప్ కిషన్, కాళిదాస్ జయరామ్ కూడా కనిపిస్తున్నారు. ఒక స్టార్‌ హీరో సినిమా ఫస్ట్ లుక్‌లో ఇలా మిగిలిన ఇద్దరు నటులు కనిపించడం ఆసక్తికరమే అని చెప్పాలి. ఈ పోస్టర్‌తో హీరోయిజం కంటే కథనే నమ్ముకోవడమే ధనుష్‌కు ఇష్టం అని మరోసాని చెప్పకనే చెప్పాడు. ఎవరూ ఊహించని కథ, క్యారెక్టరైజేషన్‌తో ఈ సినిమా ఉంటుందని సమాచారం.
దానికి తగ్గట్టే సినిమా ఫస్ట్ లుక్ కూడా ఉండటం గమనార్హం. సన్ పిక్చర్స్ బ్యానర్‌పై తెరకెక్కుతున్న ఈ సినిమాను తమిళ, తెలుగు, హిందీ భాషల్లో విడుదల చేస్తారట. సెల్వ రాఘవన్, ఎస్‌జేప సూర్య ఈ (Raayan) సినిమాలో ఇతర కీలక పాత్రలు పోషిస్తున్నారు.
భామా కలాపం 2 సినిమా రివ్యూ & రేటింగ్!
భ్రమయుగం సినిమా రివ్యూ & రేటింగ్!
రాజధాని ఫైల్స్ సినిమా రివ్యూ & రేటింగ్!
Home